18 May 2008
今日,同天朗著左新買的水手裝返教會...好可愛呀!!
Gloria 姐姐要去雲南實習了...你要保重呀!! 8月再見!
返完教會...我地去左一間好舊的茶樓飲茶...好攪笑...
因為大家聽聞..呢間茶樓應該唔捱得幾耐...可惜...我地唔記得影相呀!! 
(好鍾意阿jo的形容-->"老人派對之彩城集體回憶篇" 哈哈..
..我地..都唔係好老姐..)
天朗: 飲完茶...食飽飽...媽媽爸爸帶我出左沙田行街街...雖然媽媽之前一日o岩o岩番香港,但係星期日 family day....媽媽話點都要有d節目..去下街街...嘻嘻!! 我地仲去左Snoopy Land 行左一轉...
媽媽: be be 豬..你副超好型喎....嘻嘻!! 
天朗:然後,夜晚,我地仲同阿姨,表姨媽,表姨x2, 表舅父,善怡表姐,昊知表哥...去左食晚飯呀!
28.5.2008
今日,終於都有機會帶埋天朗,去見下uncle Eric...
早兩日,從意大利番黎之後,知道Eric 今天會有活動,心想...平日的活動,應該不會太逼人,於是決定帶埋阿仔去見下uncle Eric...天朗未出世時,見得多,出左世之後係第一次見呀!
今天的Eric, 望落去,都幾精神呀! 而且,佢拍完電影"流浪漢世界杯",終於剃左d鬚...變返靚仔啦! 嘻嘻!!
在台邊等候上台...
在台上,與主持及Fiona,談及歐洲國家杯的心水球隊!
接受訪問
活動完結,佢趕住去拍劇,好快就走左啦...只係佢走時同佢講左句"Eric...拜拜..."
anyway,都好啦...因為我都好耐冇見佢啦...難得撞o岩我今日放假...又唔太逼人...
更多照片 >>>http://picasaweb.google.com/manfish78/ERICAdidas280508
已經想買部新相機好耐啦.....之前為左影bb,買左部Canon Power Shot A570, 但係因為部機太大，太重，令我唔願放入手袋,帶出OUTPORT,加上要留番黎俾老公影低bb俾我番黎睇....所以....自從重回天空工作,都已經冇左帶相機返工的習慣....但係經過上星期意大利之行,我發覺,冇部相機o係身,真係唔係幾開心呢!! 所以...一番o黎香港...就好想買部相機!!
自己一直鍾愛SONY DC ....之前都用開SONY機...但自從上次買左部A 570之後,似乎已經冇得走回頭...因為用SONY,就要用MS...但而家屋企...有幾張SD CARD....所以為左唔想買MS....結果,我都係選擇左...呢部 IXUX 80IS....
因為...我想買部輕d,薄d,但又唔想買太貴....所以揀左80IS...有幾隻色...結果我地揀左最深色o個隻....特別d law...好似...哈哈...其實本來都心思思想要藍色架...不過結果都係揀左最深色o個部...
當我同老公講話想買相機時,佢話本來已經諗住o係我生日時,送部相機俾我....哈哈...點知我而家話要買...但係我當然話...呢個唔係我的生日禮物啦...因為你仲欠我份母親節禮物喎....呢份算係補番數啦....我的生日禮物,請7月先送俾我!! 知道嘛?! 嘻嘻!!
好野...有部新DC....咁我又可以繼續去到邊...影到邊....影..影..影...yeah!!
23.5.2008
本來我今日係去巴黎的,可是因為機種轉換,我被改了去羅馬,本來可以去意大利應該是值得開心的,可是這樣沒了我的巴黎,好像有點兒那個!!
不過,其實本來我也打算放棄這班巴黎,去換羅馬,為了跟我的好朋友一齊飛..可是沒有同事願意跟我掉...沒想到...輾轉間...我還是到了羅馬,而本來沒機會跟好朋友碰面,卻因為臨時得到延遲一天回港,得以跟我的好朋友,去了佛羅倫斯及比薩斜塔!! 都可算是....因禍得福了!!
由羅馬坐EUROSTAR火車去佛羅倫斯,只需一個半小時..
gelato....好味....好味....
聖母大教堂
佛羅倫斯著名的地標之一，也是市內最美麗的古老大橋
想從高處一覽佛羅倫斯市的美麗風采，最好的地方便是位於碧堤宮以東山丘上的米開朗基羅廣場。
兩個傻婆呢.....
比薩斜塔...我地o黎啦!!
開頭,見到d人不停擺出不同的攪笑pose...仲o係度笑人...
結果,自己跟住...咪又係咁...哈哈...
呢張效果唔錯....嘻嘻!!
其實我唔係踢緊座塔...係踢緊個人....哈哈哈..
真開心...同melody的腳踪...又多一個地方!
普遍....見得最多...係d人對住個塔.....耍太極....嘻嘻!! 等我地兩個一齊耍先!! 
捧塔.....??
原來...比薩斜塔比我想像中細小...覺得好似見到個模型咁呢....嘻嘻!!
更多相片....
Firenze 佛羅倫斯 >>> http://www.facebook.com/album.php?aid=41425&l=305b0&id=749077847
Pisa 比薩斜塔 >>> http://www.facebook.com/album.php?aid=41427&l=c9f34&id=749077847
Snap Shot in Italy >>> http://www.facebook.com/album.php?aid=41428&l=b5392&id=749077847
