20 May ~6個月健康院打針

20 May 2008

 

今日天朗又要番健康院打針啦....今日要拮2針呀!!!  

左脾一針,右脾一針 ...慘慘呢!!

 

去到登記完,等磅重...7.59kg...唔夠17磅重，重左唔係算好多! 冇計啦...呢期佢成日都只係食半枝奶奶..be be 豬...你唔識肚餓o架咩?

之後,見姑娘做發展監察, 不過天朗一見到姑娘就唔多開心,喊晒口咁! 之後姑娘抱住佢睇下佢識唔識自己坐、同埋企唔企到...又俾個玩具佢,睇下佢識唔識自己拎,不過天朗似乎對自己對鞋仔興趣大d...哈哈...

姑娘話天朗都幾叻,自己都坐得幾好,條頸好有力...(哈哈..其實我想講佢唔止條頸有力, 對腳仲有力,成日俾佢踢到不知幾痛!嘻嘻!!)

姑娘又問我地有無食糊仔,我話佢剛開始食,多數都係食幾啖,不過姑娘話咁係正常的,慢慢就會食到多d!

打針前...幾醒神....

終於都到左拮針時候啦....

今日爸爸負責抱住天朗打針...媽媽就o係旁邊...standby...

打第一針好快,天朗只係叫左一聲,不過打第二針....嘩...喊得好大聲...唔知係咪好痛呢....爸爸話見到枝針係粗d...所以我地都見到個針孔..真係大d..

拮完針針,媽媽即刻負責呵番天朗...

喊左一陣...天朗..就o係媽媽懷中...覺覺豬...

睇見個針孔..睇見d血...真係心痛呢...不過冇計...為左保護你的健康..無辦法避免!

然後,為左安全起見,我地都乖乖坐左超過20分鐘, 再拎埋退燒水先走...

be be 豬...今日辛苦你了....