終於都搬左啦!!

轉眼間,已經搬左一個星期了....呢個星期(再加上之前pack野,執野o個個星期), 真係好痛苦,好攰呢!!!! 真係唔明點解咁細間屋可以放得到咁多野呢???!!

搬屋實況,請睇爸爸的 搬家前後

雖然,未搬之前,我都有影左d相,作為給自己的一個記錄....畢竟這是我們第一個自己的家....但係實在暫時未有時間去好好整理,希望遲d有機會,做番個紀念啦!!

從決定賣樓,到有人睇樓, 再到有人想買,然後我地決定賣,好似係好快的事....都未及諗得太仔細....oh....原來已經應承左賣....哈哈...開頭我真係有d接受唔到,唔係好捨得...因為呢個地方,我地花左唔少心思落去呢!!

  詳請>>>請睇爸爸的家

不過,實際情況...真係不由得我地去選擇繼續留守,畢竟都想俾天朗+弟弟/妹妹, 一個理想的環境去生活,雖然而家呢度真係冇舊居咁方便,不過..為左阿仔,只好我地自己遷就下啦!! 或許,也可以當是一個短暫性的體驗吧....好讓我地有機會再去認真想想....我地未來的家....應該在那裡好呢??

而o係呢個搵屋,搬屋的過程,都發生左一d令我好唔開心的事....可能係我自己心情不太好吧...又冇胃口食野....成日都好忟...所以當聽到一d唔o岩聽的說話時,便會反應很大...難為的是身邊那個吧! 不過,我真係唔明....點解可以講d咁o既野架? 真係好唔明白.....亦都唔想去明白....sorry!!

話咁快...仲有幾日就新年了.....好想可以..o係呢幾日....執好d間屋...因為我真係...頂唔順間屋咁亂呀......要努力d先得!!! 加油!!!!

好耐冇寫天朗的近況了....呢個傻豬去到新屋...第一件事係左巡右巡..呢間房入下...o個間又入下....不停走來走去!! 間屋大左...多左地方走動...佢就好開心...但係我就...每日要拖的地方大左,多左呢.....不過,冇計啦...為左要俾一個清潔的屋企佢玩....辛苦d都要架啦!!