31週~私家醫生檢查

29 May 2009

31週~私家醫生檢查

細佬,

今日,媽媽帶左兩位特別嘉賓,一齊去同仔見見面呀....
一個係..成日將你當椅子坐,有時會好大力拍你,但有時又會好鍚你的天朗哥哥呀!
另一個就係好鍚你地兩兄弟的婆婆啦!!

不過,當媽媽訓低,開始檢查的時候,哥哥就已經開始唔耐煩...係咁指住媽媽...o係度叫...唔知做咩事....可能佢覺得媽媽只可以訓低,拿起件衫,俾佢"玩"個肚...其他人唔可以咁做...哈哈...
之後,天朗一直都係咁嘈....攪到婆婆要抱住佢係咁行...

唔知係咪咁,所以今日醫生都好快檢查完....check左你的頭圍,大脾骨,肚仔..
各樣都好正常,健康咁長大...媽媽都好放心啦!!

而由於媽媽上次檢查時,體重突飛猛進...因此最近有少少收歛...所以,今日的體重好ok呀.....有60kg...比起上次,只係重左0.8kg..哈哈...醫生話今次正常番d啦...仲同我講,可以食野架啦...只要keep住一星期一磅便ok...

根據預計....細佬你應該唔會係細碼b架啦....今日已經有大約4lb啦..所以應該ok啦....媽媽希望可以好似上次咁順順利利自己生你出你啦!! 咩都唔使用,咁就very good啦!! 嘻嘻!!

另外,今日醫生都好努力想俾我地睇下你個樣啦....可惜...醫生話你仰起左個頭,
太貼個胎盤了...所以都係睇得唔清楚...只係睇到一pat野咁呢...哈哈!!
細佬,你係咪想同我地玩神秘呢?

呢個係你的心跳呢!!

仲有,9個星期,細佬你要繼續乖乖o係媽媽肚仔...努力成長....我地一齊加油呀!!!

Blog ~私有化

其實,前陣子,已經有很多blog友將blog轉為私有化...我們亦有想過,只是一想到要將已有的幾百篇blog轉私人,我真是頭都爆...不過,因為最近發生的一些事情,令我們不得不的起心肝,去轉私人blog了....所以此blog從今開始會將網誌設定為 "只限朋友&家人" !!

所以,各位朋友仔,如果想繼續瀏覽, 請留個言讓我將你加入朋友清單。thanks!!

28 May 2009~遊船河

~~~Copy from BaBa's blog~~~

當初報名的時候有點小誤會, 以致實際的行程和我們心中所想的有點分別 (都怪爸爸懶, 沒有看清楚行程表就報名)

這類Boat trip + 生態環島行其實不太適合孕婦&歲半小兒的 ………

試想 >> 在搖搖晃晃的船上, 追逐著一個搖搖晃晃的小孩 ~~ 是多麼的狼狽

試想 >> 在島上有淺石灘、有蠔殼有海, 但沒有欄杆、有米田共、有狗、有巨型毛毛蟲 …… 帶著我們的甩繩馬騮需多麼大的運動量 (絕對是攞苦黎辛 !! )

晨早起床向馬料水碼頭出發 (有個小朋友仲未訓醒)

上船前的合照

入到船倉, 爸爸的歷奇之旅隨即展開 ~

我地上過甲板吹吹海風

困得久了, 其他小朋友在玩 “猜皇帝” (又再一次證明我們兒時的玩意是無分時空、國界的) 只懂出 “包” 的天朗都可以玩埋一份。

搖~搖~搖~ 到達第一個目的地時天朗已經 ZZZzzz

 

船泊岸了, 這是「荔枝窩」

 醒左未落地, 八八卦卦的天朗

在城市長大的孩子, 很難有機會見到它

 

 

 番上船準備去另一站

天朗&皚悅: 「我地又被迫影情侶合照 」

 

「吉奧」

尾站 「鴨洲」

要讓孩子親親大自然、吹吹海風、看看野生花草樹木 …… 有些苦有些辛在所難免, 亦十分值得 !!

 

媽媽的小傑作

話說,前陣子媽媽爸爸o係IKEA買左個櫃同埋一SET 小童枱椅俾天朗用....送左黎一排,爸爸都未有時間去切! 終於,上個星期,爸爸切好啦!!

(辛苦你啦...THANK YOU,BaBa!)

本來,非常普通的枱椅

經過媽媽一番努力之後....即刻唔同晒呢!!  幾得意...(哈哈...讚下自己先!! )

其實,真係貼到媽媽傻呀....不過,見到個完成品之後,我又好開心,好滿足喎!!哈哈...希望阿仔會乖乖,好好用佢啦!!

好期待見到佢地兩兄弟一齊坐o係度...玩玩具,睇書...寫字...嘻嘻!!

而家,天朗好多時行埋張枱,都會不期然自己o係度口噏噏: A,B,C...

天朗,這是你的名字呀!!

上星期五,天朗一番到屋企,見到張枱就坐左o係度...畫..畫..畫..

之後,仲爬左上張椅度...見唔見到佢做緊咩呢....冇錯...係攪破壞呢!!

呵呵....又企左上去啦!!

媽媽見天朗不停咁想破壞枱上的字母...於是拎左呢個新買俾佢學ABC的磁石板俾佢玩啦!!  

不過,有時佢依然都會好想去"搣"枱上的字母或者椅上的數目字!!

真係唔知呢set枱椅,可唔可以捱到細佬大個,佢地一齊用呢...哈哈!!!

1歲半的小漢子

19 May 2009

1歲半的小漢子

今日,爸爸媽媽一齊陪天朗返健康院打針+發展監察!!

嘩....真係超多人...好似去左街市咁...仲要係大陸人的街市!!

等左一輪,就叫名磅重,天朗有9.9kg,(爸爸覺得個姑娘好求其,天朗企上個磅,都未企定定,姑娘就話9.9kg,得啦!!) 哈哈...大佬,係咁上下啦...唔係你想點喎...因為佢仲有唔知幾多個小朋友/bb要磅喎...

磅完重,又再等.....等左好耐...終於到我地!! 幸好,我地今日遇著一個好友善的姑娘幫我地做發展監察,都係循例問下d問題,邊個湊呀..有冇野問佢...然後就俾左三舊小積木俾天朗切...天朗都好叻..好快就自己疊高d積木...pass!! 然後,姑娘就問左媽媽一連串問題...由於媽媽睇左其他blog友媽媽的分享,所以大概都已經知道姑娘會問d咩..哈哈...答完問題之後,姑娘都話天朗叻叻...男仔o黎講,都算識講好多野...嘻嘻!!所以,又順利過關....下次再返黎...已經係2011年,天朗4歲的時候!! 哈哈....我怕到時媽媽會唔記得要打電話去約期了!! 哈哈!!!

做完發展監察,就等打針....由於姑娘同我地講左,話佢已經識行,所以會打手臂...爸爸媽媽心諗...肯定會好痛呢!! 等的時候,天朗仲好開心咁周圍走架...我地心諗..一陣睇你仲笑唔笑得出!! 之後,爸爸陪天朗入去打針,媽媽o係門外等+偷偷地睇,點知,打完針之後,呢位小朋友竟然一點反應也沒有,完全冇喊!!! 果然係媽媽心中的小漢子呢!!

媽媽仲一早準備好要..好好安慰,呵呵他...點知...oh...用唔著啦!! 哈哈...爸爸媽媽+姑娘也覺得好意外呢...嘻嘻...而我地都不停讚天朗好叻仔啦!!  仲獎佢食左幾粒星星餅(本來,係安撫佢用的,竟然變左係獎勵呢! 哈哈!!)

之後,開左枝奶奶俾佢訓晏覺...再等埋拎枝退燒藥就走啦!!


朝早,食完早餐,去健康院之前,爸爸仲同天朗一齊來個hair cut!!! 好爽呢!!

29週~健康院檢查

15 May 2009
29週~健康院檢查

今日,又係時候去健康院做檢查....好彩...今日早左去排隊...所以都唔算等左好耐...

姑娘話我一切都正常,bb的size都同預產期差唔多,今日姑娘仲幫我摸埋bb頭仔的位置...已經o係下面啦! 不過就唔係對到正...側左少少!! 嘻嘻!!

今日的體重58.4kg,哈哈...點解比起上星期o係私家醫生度,仲輕左少少...哈哈...可能個個磅都唔同呢...肚圍38吋啦!! 

我覺得自己個肚好大啦...條腰都開始好痛啦....希望可以支持得住...唔使咁辛苦啦....期待著....待產...唔使番工的日子來臨呀!! 哈哈哈!!!

bb...我地一齊繼續努力....加油呀!!!!