2 May 2009@放假天

今日繼續係爸爸媽媽的放假天..雖然豬流感殺到...但係我地都有出街街喎!!

 哈哈!!

同婆婆食完lunch...o係附近商場行左陣...

天朗:媽媽,我地買邊張sofa好呀?
媽媽: 阿仔,我地唔係要買sofa喎....我地要睇其他野之嘛...

 

回家途中...因為爸爸o係度...所以梗係要拎番d laundry 番屋企啦...因為媽媽平時自己一個人拎唔到嘛!

 

不過,天朗架車..變左大貨車啦!!! 哈哈....

 

番到屋企....阿仔嘆左枝奶...再o係媽媽幾番努力之下...佢終於都訓左覺... 因為要等佢叉叉電...夜晚再出IKEA 行街街買野...

 

睇下佢訓得幾型!!

 

轉眼間...已經出左沙田..先去食飽飽...跟住就過左IKEA行啦! 本來,諗住去IKEA個餐廳食架..點知原來仲未裝修好...好彩,我地出門口之前,醒 目打個電話去問下..原來...要成11月先會裝修好呀!!! 嘩....攪咩攪咁耐?!?!

 

天朗: 呢張椅...又幾舒服喎!!

 

因為爸爸媽媽又要顧住睇野..又要睇住天朗...所以都冇咩影到相呀!!

 

 

天朗: 我要飲呀!!開..開..開...

 

最後,我地買左幾個DRAWER 同埋訂左個櫃(又係俾阿仔放野!!) + 一SET 小童枱椅...就番屋企了...

 

話咁快...咁又過左一日啦!!