好動的bb

好似都冇試過好似今朝咁早起身了! 因為今朝一早出左威記睇醫生, 其實今日都唔算係做檢查,因為只係姑娘同我照超聲波! 我唔明點解要約人地咁早law, 結果去到咪等餐懵!  今日去照,姑娘話bb已經有11周了(大左1個星期?)明明兩星期前o係私家醫生度照係8周架嘛! 不過姑娘話有呢個range的difference都係正常既!!

今日,個姑娘同我照左好耐,仲教我從唔同角度睇bb的手仔,腳仔同心跳添!! 好得意呀!!! 已經好清楚咁見到佢的手腳啦,而且仲見到佢不停旭下旭下咁,好似訓o係度打緊boxing,手腳齊舞呀!!! 一諗到肚裡面有個咁活潑好動的bb,o個種感覺真係難以形容呀,超感動,好想喊呀!! 

照完超聲波,就去左抽血,o個個抽血的大姐望住我的手,就大叫:嘩! 你d血管咁幼,好難抽喎! 結果放棄左手,由右手抽, 做完一輪手部收放運動,佢就從我手上抽走左4小樽血了....嗚嗚....俾佢拮個下都幾痛呢!!