天國在人間 敬拜讚美音樂會

                                       

感謝神呀!!! 我今年可以參與呢個音樂會,做500人詩班的其中一份子呀!!

上年,我報左名參加"愛是永遠堅持"的詩班員,可惜結果因為工作關係(由於調唔到幾個星期日day off出席練習時間)所以唔能夠做詩班員,只可以去左一晚做觀眾!
今年,我一早在工作上作好安排,以至可以出席練習+總綵排,但係,前陣子,發覺自己有左bb,而且仲有d唔舒服,醫生叫我要多休息,我都曾經掙扎過,不過最後我都係冇放棄做詩班員呀,因為我好享受同咁多弟兄姊妹一齊去敬拜,唱詩讚美神呀!

尋晚,幾場的音樂會終於都完左啦! 我真係完全冇後悔呀!! 因為o係呢幾場聚會當中,我真係好經歷到唱詩讚美神,o個份的喜悅同平安呀!! 雖然我地大部份時間都係企o係度唱,真係會幾攰,但我都支持得住呀!! 我係一個好容易被詩歌所感動的人,o係呢幾日都唔例外,好幾次我都差d忍唔住呀!

  不過,可以有機會同幾百個弟兄姊妹,仲有3000個會眾一同去向神獻上馨香的祭.真係一個非常難忘,感受好深的經歷呀!!神呀,感謝你讓我可以參與其中!!

呢首就係呢次聚會的主題詩歌:

                                                                      天國在人間

                                                      

                      

                                                              http://www.theworshipers.com/

亦係其中一首我地唱4部的詩歌!!

經過呢次的敬拜讚美會,我更加領受到,我要在敬拜的事奉上,繼續努力做得更好!! 神呀,求你加我力量呀!!