38週~健康院檢查

bb,

今日又係去健康院檢查的日子啦...媽媽今日早左好多去排隊呀...點知都係唔夠人早,去到都已經冇位坐,企左半個鐘,先到派籌的時間呀...我真係好想知前面o個d人幾點來排隊呢

做完一輪例行工夫之後,姑娘叫出去等,我問佢係咪見醫生,佢話:唔係呀,你上個星期見左啦! oh no...原來係我自己一箱情願,以為36週之後的每星期檢查都會係見醫生呢...早知係咁....我使咩咁早o黎排隊啊!!!

之後,等左一陣,見完姑娘,佢摸完我個肚,聽完心跳,佢話bb你的頭仔都已經落到好低了,同埋,佢又話我,因為比起上個星期,重得太多,所以要我見醫生.哈哈...well....咁我咪又出番去...再等見醫生law...然後,醫生就解釋俾我聽,點解佢地咁緊張,我的體重,因為佢話驚我有事喎..佢話因為有一個病症係...(我唔記得左叫咩名)懷孕後期,如果突然重左好多,成個人水腫,血壓唔正常,會引發顛癎,咁對媽媽同bb都好危險...但我唔係law...因為我只係體重比上星期多左2kg (其實係因為唔知點解上個星期,忽然輕左1kg姐...所以咪做成左咁大個difference law...)

38 週~ 63.1kg  37週~ 61.1kg  36週~ 62.1 kg

跟住,阿醫生都循例摸下我個肚,度下子宮size同埋聽下bb心跳,一切都正常呀..之後都問左我好耐,問我一日3餐食d咩..一日行幾多路...叫我要注意飲食...等等...

哈哈...well....總括而言,今日我賺左呀...因為好似做左兩次檢查咁...