住院篇 ~兩日兩班New York Flight??!!

住院篇 ~兩日兩班New York Flight

上到產後房,老公幫我整理好d野,就要走了...佢放低左d飯,我食完之後,姑娘就推左bb俾我餵mama milk,一餵就個幾鐘了...好彩bb都好叻,都食到..

之後,姑娘話3am再推bb俾我餵奶,o個時已經差唔多12點,諗住好好把握訓番3個鐘都好,點知..個傷口好痛,加上四周圍的bb交響樂,我估我隱約訓左個零鐘,
之後,便聽到有人同我講:媽媽夠鐘餵奶啦!! 於是,便爬起身,餵奶了...如是者,又餵左個半鐘,之後,又隱約訓左個零鐘..便起身食早餐!

第二日,都係繼續...餵奶...睇真人bb學沖涼...聽產後講座....好似有好多野做咁...d時間都好似過得好快...

個傷口仍然痛,所以企又唔係,坐又唔係,有機會便訓o係床上,可以舒服d, 而bb除左沖涼,做聽力測試之外,其他時間,都係放o係我身邊,要我自己照顧,所以都幾?..
而今日bb仲俾人拮左2針,打卡介苗同乙型肝炎針! 加上,醫生話佢pat pat有d紅點,所以同佢抽左d血去驗下血紅素! (好彩,結果都冇事)
好快,到左探病時間,有好多人黎探我同bb呀...因為限住兩個人入,所以大家都要排住隊咁入黎!

話咁快,3個鐘探病時間過去,又係得番我自己一個人的時候了,夜晚繼續係冇覺好訓...所以兩日加埋只係訓左4個鐘, 簡直係好似non-stop做左兩班New York Flight咁啦!
(不過.其實係仲衰過做flight的時候,因為做flight時,真係有得休息呀嘛!!)

到左第3日,醫生循完房,話我可以同bb番屋企了,嘩,簡直覺得好似係放監咁呀...即刻拿拿聲執野..(雖然明知冇咁快有得走!^o^)
之後,就等阿媽同細妹黎陪我出院番屋企!! Yeah...home sweet home with my little baby!!