bb,
今日媽媽又同你去左健康院檢查啦,今日仲有姨婆陪我地一齊去啦! 因為媽媽已經好接近預產期啦,所以呢兩日都有人陪住我地啦,佢地諗住..你有咩"衣郁"都有人陪我地去醫院嘛,嘻嘻!!
比較上個星期,媽媽只係重左0.4kg啦,今日磅係63.5kg,姑娘終於都話我正常啦...哈哈...不過,其實我覺得自己一路都好正常,只係佢地的指標太...
今日幫我做檢查的姑娘,係我見過最...唔願做,勁求其的姑娘,全程我諗我地的對話加埋,應該冇十句! 佢摸肚又好是但,聽bb你的心跳又好快手,真係循例到冇得再循例!!
不過,算啦,都預左係咁上下架啦,只不過比期望的還要低姐...哈哈... 佢話bb你的頭仔已經" 落晒" 喎.....bb隨時都會出世! 車...兩個星期前,我已經聽呢句說話啦,所以...都真係唔知bb你幾時先會出來啦!!
身邊有2個預產期比我遲的朋友仔,都已經分別o係上個星期同今個星期,都生左啦!!
bb,我諗你太鍾意住在媽媽肚入面的感覺啦,係咪呢?
到底,你想幾時黎同我地見面呢?? 大家都等得好心急啦....包括你的小表舅父...
家熙語錄: (今日同佢講電話...)
我: bb仲未出黎呀...
家熙: 係呀?..我好心急..做表舅父呀!
我: 係呀,你好心急呀,不如你同bb講,叫佢快d出黎啦!
家熙: 下.我點講呀..我都唔o係現場..你同佢講啦...
我: 好啦...咁我幫你同佢講..叫佢快d出黎啦...
家熙: 好呀!!!
哈哈哈....真係俾佢笑死...
bb,媽媽已經準備好晒啦...包括走佬袋...只係等..你咋...嘻嘻!!
沒有留言:
張貼留言