情緒起伏
最近,心情起伏很厲害! 好容易唔開心,好容易發脾4! 點解又咁樣??!!
未有bb之前,我都已經係一個比較情緒化的人,有時會唔識控制自己的情緒,令身邊的人難受,我承認,我是一個感性的人,不是一個理性的人! 上次懷著天朗的時候,都已經係好似最近咁樣,心情會好起伏…有時會諗好多負面的野,好容易喊…我覺得自己最近又係咁樣了,小小的事已經可以令我好唔開心,覺得好煩…總之好容易被刺激到!! 
不過,今次不同的是,令我覺得煩擾,苦惱的事情比上次還要多..因為現在已經有了天朗的存在,並不是只有自己+bb了,現在一至五要番工,每日番阿媽度食完飯,同佢玩一陣,就要走,每日要跟他say bye,每日都要經歷呢個分別,真係好難受呢! 有時見到佢頑皮/唔聽話,又會好炆,又會諗如果可以自己湊住佢,咁就好啦,因為咁樣就全部係自己的責任,不能怪別人! 現在是我媽幫忙照顧天朗,我不是說她照顧天朗,照顧得不好,只是婆婆總會有疼鍚孫仔的時候,當然這是很正常,而且她也不算是”縱容”他! 只是,有些東西,我會不同意她的做法,我便會跟她說,應該怎樣,應該怎樣,不過,我也知道,這些說話不可以多說! 因為覺得我將天朗交給她,我應該信任她,不應太多干擾她!只是,有時真的忍受不了,我才會出聲!!
其次,便是工人姐姐…為了可以幫忙我媽,以免她太辛苦,加上我細佬/妹,工作不定時+懶惰,很少可以幫忙做家務,所以,只好請來一個印姐姐幫忙我媽! 不過,最近發生關於她們的新聞,實在真的很嚇人,令人擔心!! 我知道,這些都是少數的事件,但是,要請到一個好的工人,真的是不容易,睇下你好唔好彩!! 我家工人姐姐,上工只有3星期,但是已經被我媽發現,她開始偷懶+做事很求其!! 我媽看見這樣,便會走來跟來”投訴”,我知道她也是睇唔過眼,認為佢唔應該咁樣,所以想話我知! 只是,我會覺得,若然你發覺她有做得不好,做得不對的地方,你咪話佢law..你同我講,都冇用架嘛!! 我估我媽同我一樣,都唔係好想有佢的存在,因為我估她覺得佢係一個幫不上忙的人. 而我,就成日好擔心佢會對我仔仔唔好,所以我對佢都冇咩好感! 因為,我成日覺得,佢一定會o係你面前做得好好,對阿仔好好架啦..但係,當你見唔到的時候,佢做過咩,你都唔知啦! 我的情況已經比較好,因為好多時都係我媽照顧天朗,而工人係負責做家務,但係我始終覺得佢係一個外人,同你毫無關係,唔會真心對阿仔好..所以,如果我身邊的朋友同事要請工人,又冇人睇住的話,我會叫佢一定要裝cam,雖然,係未必一定有用,但係以防萬一嘛! 因為,可以發生的事...真係你想像唔到呢!! 我是否想得太多呢?!
每次見到其他媽媽可以日日在家,事事親力親為,照顧自己的孩子,真係會好羨慕!(當然我知道係一d都唔容易+好辛苦!) 因為你可以按住你自己的模式,去教導, 照顧佢,當你看見他天天長大,進步,那種滿足感真係冇任何東西可以比得上呢!前日因為好攰,想早d番屋企休息,所以冇番阿媽度食飯..冇見阿仔一日,尋晚番到去,阿仔一見到我,就指住我,叫左我一聲”媽”..然後走黎攬住我對腳...攪到媽媽幾lum!!
另外,身邊的那人最近總是為著各樣的事情而忙碌..我知道我應該要多關心他,多體諒他..只是由於媽媽的間歇性情緒病又發作了..所以我沒有做得到..對不起!同事說,我應該跟他多點溝通,告訴他知道..我的想法..可是,我不覺得他想去知道,他想去了解呀,因為他沒有問我..我很怕自己會有產前抑鬱..真的很想大哭一場..只是我知道哭也沒用!
12 Apr 2009
今日係天朗17個月大...我地向澳門出發啦!!今次係天朗第一次外遊(只係離香港一小時的澳門而已,講到好似好遠咁!)
一朝早,我地一行6個大人..就陪住大少爺..過大海去啦!!!
Macau...we're coming.....
見到水...........超級興奮!!
一場黎到...梗係要影番張靚相先啦!!
媽媽:天朗...媽媽下次帶你去意大利..睇真o個個呀!! 不過,要等你同細佬大個d先得呀!!今次影住呢個先啦....
已經好眼訓啦...開始冇電...要爸爸抱了...轉個頭,搵個地方,坐低開枝奶奶俾佢,.....已經zzzzz...
o係天朗訓左覺覺的時候,我地都向酒店出發了...
check-in完...就出發去搵野食...本來想去食魚翅麵,但係見到條隊...放棄了....然後行去豬扒飽...條隊...仲長...結果求其去左附近一間cafe食! 食飽飽...便向威尼斯人出發了...
天朗:嘩....好多波波呀!!!....
天朗: 爸爸,我想要波波呀!!
天朗:嘩....咁多波波...係咪可以拎番屋企架!!
天朗:媽媽,個姐姐係咁追住我呀!!
才子出門, 當然亦會有些艷遇
天朗: 咦....呢間舖頭有咩睇呢??
天朗: oh...唔好意思...我入錯左...都係走先啦!!
不過,個sales姐姐見我咁可愛...就算我冇幫襯...佢都請左粒糖俾我食呀!!嘻嘻!!
天朗:呢個係細我7個月的妹妹...我都唔知點叫佢呀....佢係我媽媽個大表舅父的囡囡! (據說佢係天朗的表表姨!)
食完晚餐,上左大表舅父屋企坐左陣,便番酒店了....
番到酒店,第一時間...就係同阿仔洗白白...你睇下佢幾心急!!
洗完白白..食飽奶奶...已經好攰架啦...但係仲要玩一輪...先至訓著覺覺!!
明天...繼續......
