天朗17個月大~向澳門出發Part 2

13 Apr 09

由於公公要趕番香港開工...所以自己坐早船番去先...我地就繼續我地的馬交之旅!

check-out之後, 首先...係去醫下肚仔先...

天朗&媽媽

唔知點解....我地好似變左酒店參觀團咁....哈哈....

天朗: 葡京....我去過呀....個門口!!

之後,過左永利...入去行下....順便休息下啦!!

天朗好開心...自己行黎行去!

天朗:媽媽,我想坐車車呀!!
天朗: 不如...你地起身俾我坐下呀!!
天朗:我都好想坐法拉利呀!!
天朗: 你地起身呀!!!
天朗: 車...好叻咩...唔俾我坐...我咪唔坐law...我第時要坐架大架d o既!!

媽媽好鍾意呢幾張相呀...可惜在室內...燈光唔夠!

見到水....又好開心!! 同埋....又可以跑來跑去...所以天朗好興奮!!

正當我地on the way去大三巴時...突然落好大雨,本來想搵個地方坐低,順便俾天朗食奶+覺覺豬...點知周圍都好多人...最後,便走左入呢間church..避一避...相信有好多人都係同我地一樣呢!!

等到雨停了...我地便行上去大三巴啦!!
由於天朗仲未訓醒,所以媽媽同爸爸影住相先啦!!
原來爸爸媽媽上次來馬交..已經係6年前了....哈哈哈!!!

由於天朗仲覺覺緊....我地又想等佢訓醒...再同佢影下相....於是我地就去

買下手信先啦...等爸爸睇住天朗一陣先啦!!
當我地滿載而歸之際....天朗就訓醒啦...

天朗訓醒...梗係要落地行下啦....見到隻白鴒...係咁追住佢....

你睇....落完場雨...個天幾靚!! 正....

天朗:我的足跡又多一個地方啦....下次我要再去遠d...

轉個頭,天朗o係爸爸的扶助下,一口氣行左好多好多級樓梯...走左上去啦!!
本來,媽媽諗住唔行上去架啦...但係一場黎到....又見天朗同爸爸行得咁開心...

所以...都跟住行左上去...同天朗影下相啦!!

上完去...梗係要落番黎啦....
天朗覺得好好玩呢...落左黎之後,仲想行番上去呢!!

爸爸即刻拖佢走啦!!

落番黎...又係時候食下野先!!

話說...一路天朗都係鍾意自己行,唔多鍾意坐車仔,但係,當我地行左一陣之後,佢竟然

指住架車的貨(本來我地放左d手信o係車上面!),原來佢話俾我地知...佢想坐車仔呢 !! 真係第一次呢!!

最後,我地去左MGM 食dinner...

終於上左船...準備番香港啦....本來...仲好精神架...但係,其實好攰...好眼訓豬架啦...


最後,飲左枝奶奶...好快又訓左覺覺lu...
就係咁天朗的第一次外遊~馬交之旅順利完結啦!!