天朗17個月大~向澳門出發Part 1

12 Apr 2009

今日係天朗17個月大...我地向澳門出發啦!!今次係天朗第一次外遊(只係離香港一小時的澳門而已,講到好似好遠咁!)
一朝早,我地一行6個大人..就陪住大少爺..過大海去啦!!!

Macau...we're coming.....

話說...爸爸媽媽從沒想過天朗是要買船飛的,(香港大部份交通工具,都是3歲以下免費

的!再不然,最少也2歲啦!) 但係,當我地入閘時,個票務員竟然話我地唔夠飛,話天朗都要買飛,望下佢,仲話佢已經好 大個!(當時佢自己坐o係車仔上!)我心諗...下...佢好大個??

然後,佢就指住佢身後張notice,原來12個月以上就要買飛! 佢要我地搵個人出番去補番張兒童飛......就係咁,天朗o係佢17個月大呢一日,擁有佢人生第一張要$$買的ticket!

!!

天朗:話哂係我人生第一張要$$買的ticket...梗係要影番張相先啦!!

天朗對個海好有興趣!

天朗:澳門...我o黎左啦!!

由於未夠鐘check-in,所以我地去左碼頭附近的漁人碼頭行下先....你睇下佢...有得落地自己行...幾興奮!!!超興奮.....左跑右跑!!

見到水...........超級興奮!!

一場黎到...梗係要影番張靚相先啦!!

媽媽:天朗...媽媽下次帶你去意大利..睇真o個個呀!! 不過,要等你同細佬大個d先得呀!!今次影住呢個先啦....

已經好眼訓啦...開始冇電...要爸爸抱了...轉個頭,搵個地方,坐低開枝奶奶俾佢,.....已經zzzzz...

o係天朗訓左覺覺的時候,我地都向酒店出發了...

check-in完...就出發去搵野食...本來想去食魚翅麵,但係見到條隊...放棄了....然後行去豬扒飽...條隊...仲長...結果求其去左附近一間cafe食! 食飽飽...便向威尼斯人出發了...

天朗:嘩....好多波波呀!!!....
天朗: 爸爸,我想要波波呀!!
天朗:嘩....咁多波波...係咪可以拎番屋企架!!

天朗:媽媽,個姐姐係咁追住我呀!!

才子出門, 當然亦會有些艷遇

 

天朗: 咦....呢間舖頭有咩睇呢??

天朗: oh...唔好意思...我入錯左...都係走先啦!!
不過,個sales姐姐見我咁可愛...就算我冇幫襯...佢都請左粒糖俾我食呀!!嘻嘻!!

天朗:呢個係細我7個月的妹妹...我都唔知點叫佢呀....佢係我媽媽個大表舅父的囡囡! (據說佢係天朗的表表姨!)

食完晚餐,上左大表舅父屋企坐左陣,便番酒店了....
番到酒店,第一時間...就係同阿仔洗白白...你睇下佢幾心急!!

洗完白白..食飽奶奶...已經好攰架啦...但係仲要玩一輪...先至訓著覺覺!!

明天...繼續......