0711BB~BBQ

5 Apr 2009

今日,我地約左0711的一班朋友仔到紅磡海逸BBQ...

BBQ 當然唔係佢地的玩意啦.....都係吹下bubble啦.....

但係, 細波波的吸引力始終唔及大波波 (籃球)...因為隔離有個籃球場....佢地成日想走入去....

終於, 由Matthew 帶隊成班細路衝入去 “踩場” .....天朗仲揀波黎搶....個哥哥俾個super-x的籃球,佢唔要....佢走去搶另一個Nike的籃球...哈哈哈.....

擾攘一輪後, 我地都係番出去繼續BBQ, 唔好阻人打波

天朗: Jason, 你估我地幾時先可以一齊打籃球呢?

天朗: 豪少, 唔好覺覺....快d起身一齊玩啦 !

食完野, 一班細路去左後面遊樂場玩 !!

當中最好玩, 就係呢塊斜板, MaMa負責碌個波落黎, 睇下邊個眼明手快攞到個波先 ??

回程路上又撞番Jason一家, 我地仲唔客氣上左Jason屋企再玩 …真係打攪晒呢!!

最後仲黎個肉帛相見, 才子共浴添!! 嘻嘻!! 不過,天朗似乎對呢個按摩浴..未識欣賞...一開..便驚到要走...哈哈....反而,Jason 就好開心...好enjoy呢...嘻嘻!!