重回地上工作的日子,已經有幾個月了...自12月飛完最後一班機之後...已經有好幾個月冇飛了....猶記得初初番office時,見到飛機,都好懷念要飛的日子,因為不用日日番工,不用日日坐在office,可以周圍去,可以買野俾阿仔(已經好少買俾自己/老公)!! 而家..冇啦....日日番office,覺得好悶,做埋d野好無聊!! 同埋,只好上網shopping...來滿足我的購買慾!!
我記得,上次有哥哥時,已經係咁樣....番office番得耐,就好掛住飛的日子!好想快d有得飛番!! 不過,上次..哥哥出世前,都有去日本旅行relax下(因為一早已經plan好左!),但係今次....就冇lu....真係好想去旅行,但係冇得去!!原先plan左6月會帶埋阿仔遠征L.A.的,因為我表妹6月結婚...所以諗住一家人帶埋我媽去出席佢婚禮!! 不過,而家冇得去啦...因為到時個肚已經好大了....
唔知係咪過慣飛人的生活..還是真的好想去玩....呢排,真係好想坐飛機去玩,其實,我覺得真係好好笑..雖然我有平機票,雖然要去真係好容易(自己出張ticket便ok)...但係,其實我真係好少用....因為,呢幾年以來,有好多地方...好想去,但係又好想可以同老公一齊去,但係奈何一個正常番office的人,假期不會多...所以並不是真的說想去便去,加上,雖然有平機票,但還是要book hotel(不過,大部份地方都會有discount!),要使費!!所以,呢幾年同老公去的地方都係好少,只係一年去一次!) 之後,到天朗出左世之後,更加唔會諗啦....因為我一放假,都會想o係屋企自己湊佢,因為平時番工,已經成日唔o係香港,唔可以見到佢....所以放假....自己去街都好少,更何況去旅行呢!!
到左而家,有左細佬之後,更加唔使諗啦....而且,我相信短期之內,可能係o黎緊呢一年之內,都冇可能可以去玩呢....因為我相信我唔會捨得掉低細佬,走去玩呢! 人,就係咁矛盾呢!! 自從有左細佬之後,人地聽到我話生第二胎,都會問哥哥幾大? 我話15,16個月...好多人的反應都會係..."嘩..你都幾快喎!"..."嘩...你都好密喎!"...點點點點....等等...起初,我都覺得冇咩野....但係唔知點解聽得多,都有d唔開心! 當然,我好清楚,這是我自己的事,跟他們冇關啦....生o個個係我...又唔係你...你理得我姐!!! 不過,有時都會諗,自己到時可唔可以handle得到一個小朋友+一個bb....同埋,我係咪真係太心急呢?我係咪未有足夠心理準備...做兩個仔仔的媽媽呢?? 因為,無何否認,真係因為細佬的緣故,令我失去左一d野...但係其實同時,我又再次得到做孕媽媽的過程....呢d係好寶貴,並不是每個人都有機會得到的!!
只是有人選擇將辛苦分開,我選擇辛苦一次,我辛苦的是這幾年...到他們開始長大....我便可以慢慢享受....無論如何,我已經選擇了,我不會後悔,也不可以後悔!! 但願,我可以繼續享受懷著細佬的日子...然後在適當時候,可以順順利利,平平安安的將健健康康的細佬帶到這世界!! 求主保守,因為我知道這一切都不是必然的!! 之後,再一次過著...非人的湊B生活...其實上次,哥哥初生時,已經算很乖,很好湊,只是餵媽媽奶的日子比較難捱...不過,今次我希望一樣可以給細佬餵媽媽奶,而且希望可以餵得比上次更耐....希望細佬可以像哥哥一樣乖乖,做個好湊的BB啦!! 又希望哥哥會愈來愈懂事...不要跟細佬爭寵爭得太厲害!! 更加希望我同爸爸可以懂得好好教養他們...讓他們成為天父喜愛的孩子!!
~~~ 大肚媽媽間歇性情緒發洩完畢 ~~~
沒有留言:
張貼留言