噗..噗..噗..噗...一下一下...急速的心跳聲,就是我跟bb今天的接觸了!!
聽到呢d聲音之後,令我心裡感到十分平安,開心...因為有時都會擔心呀...唔知佢o係媽媽個肚會點呢?? 希望快d可以更多的感受到bb啦...例如感覺到佢動,或者佢的腳法.....
今日,好彩有阿陳大佬陪我去做檢查,因為出門口時,落好大雨呢..多得佢同我截的士,如果唔係我實變落媽媽了!
點解我咁夜仲唔訓...咪等緊我老公番屋企law....佢終於都開完會....啱啱番左黎了...係時候要覺覺豬了...
2007年6月30日 星期六
噗..噗..噗..噗..
2007年6月28日 星期四
永遠保護你
呢一期,o係我生活裡,除左每晚都聽的bb音樂之外,熱播的當然係Eric的So Far...So Close啦!! 而我最鍾意的就係"永遠保護你"啦!!
永遠保護你
曲:陳孟奇 詞:林夕
陪著你即使擠身過山車裡 亦讓你安安穩穩毫無憂慮
像保鑣桿衛你 活於堡壘 期望你未領會空虛
承受你的身軀只怪你飲醉 亦讓你奔波之中仍能安睡
甚麼敢嚇壞你 將它踏碎 並未懼犯殺生罪 由我面對
一直會保護你不要怕
要你的每秒鐘也可生活在月雪風花
就交給我去代你應付世上瘡疤
一直會保佑你不要怕
為你遮雨擋風維持不卻步的優雅
巴不得一世在你眼前不必你牽掛
寧願買堆水果不送花給你 是為了一傷風使你有準備
甚麼都教導你甚麼都理 如像你父母別生氣
如若上班花光心計委屈你 就讓我辛苦一點也撐得起
若不想再受氣專心做你 現實就讓我擋住 忠於自已
一直會保護你不要怕
要你的每秒鐘也可生活在月雪風花
就交給我去代你應付世上瘡疤
一直會保佑你不要怕
為你遮雨擋風維持不卻步的優雅
巴不得一世在你眼前不必你牽掛
誰也知道這世界 早已給污染
願我天地 可使你清新點
共處溫室之中 就由它膚淺
願我焦慮 不必你擔風險
我可以有甚麼貢獻
會使你笑臉天真點
每晚就看著你的呵欠
一直會保護你不要怕
要你的每秒鐘也可生活在月雪風花
就交給我去代你應付世上瘡疤
一直會保佑你似朵花
要你相信世間仍然優美如童話
只需捉緊我別要計時 不需要心掛
大概女孩子都是喜歡被保護,被呵護的感覺吧!! 每一次聽,都覺得有種好開心,好幸福的感覺...
好自然,呢隻歌已經成為我的電話鈴聲啦...呢隻鈴聲的專屬使用人當然係...最近好可憐o個個啦...
恐龍媽媽
最近,越來越覺得自己好似恐龍,因為每次食完野,甚至係一起身未食野,只係飲左一啖水,d胃氣都好勁,足以令我發出好恐佈的叫聲!
但係,我的食量卻係同恐龍差好遠,而家食少少都覺得好飽,如果食得太飽,會好容易大穫"回吐",所以而家都係唔敢食太飽! 但係,好快又會肚餓,好似要成日都有野食先得咁,但係最弊的係我始終冇咩胃口,唔係好想食野.不過,我知道我要食野,因為我唔可以唔食野嘛, 唔可以餓親我個寶貝仔嘛! 所以,我已經好努力架啦,但係唔知點解我的體重都係冇咩點增加!
bb,我地要加油呀..一齊努力...食食食...盡量食多d有益的野啦...但係間唔中都可以容許放肆下啦,如果唔係媽媽就好可憐架啦!
2007年6月25日 星期一
生命有價
生命有價
盡快將 憂愁眼睛 憂愁面孔 憂愁內心 拋棄吧
找回你的微笑嘴巴 一同和唱可以嗎
啦啦啦啦 啦啦啦啦 啦啦啦啦 啦啦啦
一同拍掌 全力讚賞 生存是有價
從哇哇一聲睜開眼睛看地球
從懂得緊握媽媽暖的手
到咿咿呀呀一聲兩聲仍唔夠
從爬爬行行然後曉得走
從揹起書包吸取知識不用愁
從你有佢有開始手牽手
到他朝開心傷心痛心齊嘗透
人活著實在奇妙怎猜透
願你知生命實在亦是有些意外
不用徬徨迷途只須緊記
它有無窮色彩 它有無盡的愛
願憑著自信跨過障礙賽
呢首歌係善怡昊知細個時,好鍾意的一首歌,一播呢首歌,佢地就會好開心咁又唱又跳...我覺得呢首歌除左好聽,歌詞都好有意思...
前晚,收到一個中學同學的來電,有一個中學同學在上兩星期跳樓自殺過身,雖然我同呢位同學唔算好熟,都好耐冇聯絡,冇見面!! 但係,成晚我都o係度諗住呢件事,呢個人...連發夢都諗住呢件事!! 唔知點解,可能因為我正期待著一個新生命的來臨,所以感受很深!! 但願呢位同學可以安息,他的家人可以盡快平覆心情!
2007年6月20日 星期三
2007年6月18日 星期一
2007年6月17日 星期日
15.06.07 So Far...So Close
15.06.07 So Far..So Close 發佈會
這一天,等了多年,除了你自己等,還有我們一群多年來默默在你背後的.....我們跟你一樣沒有放棄,今天,我們大家都等到了! 你回來了,回來了這個屬於你的地方了!
很好,沒有下雨,看著你大汗淋漓的唱著一首一首新的與舊的....
思前戀後..飛...愛的故事上下集..自愛.. 感受很特別...我們的孫耀威回來了...
但願你所付出的,不會白費,大家也會看到你努力,堅持的成果!!
2007年6月14日 星期四
帶阿仔見靚仔
前幾日,突然間知道有個機會可以見到Eric,撞o岩老公要去poly附近開會,簡直係...撞得太正了...
所以我尋晚就去左poly睇呢個幫poly籌錢的節目,當然我去的目的不是為了poly,(雖然我都係o係呢度畢業)
由於我評估過..去呢個活動的風險好低,唔怕會逼親阿仔(因為之前好多活動我都怕逼親/辛苦,所以都冇去到),所以..今次..我要去呀!!!
雖然佢只係唱左一首歌,不過戲肉在後面嘛....佢表演完,我地就出左門口等,過左一陣,佢就出左黎俾d記者影下相,做訪問...然後,大家就開始俾d野佢簽名...不過因為我太耐冇同佢影過相了,所以我冇相俾佢簽,呢個時候,有人好聰明咁拎左本場刊出黎,咁o岩入面有佢新唱片的廣告,結果佢就好似做功課咁幫我地簽左一曡,嘻嘻!! 真係辛苦佢了,因為佢唔舒服,做完野,仲要去睇醫生呢!
不過,跟住我都有把握時機,同佢影合照,好彩有其他朋友仔幫我影咋,因為我冇帶相機!
影完相,有個朋友仔,叫我快d行開,唔好俾佢傳染你..跟住我話...
M:傳染我唔緊要,唔好傳染我bb就得啦! (其實佢只係有少少發燒,感冒,做咩事我地講到咁大件事既?哈!)
E:下,你有左bb呀?
M:係呀!!
E:恭喜晒你喎! 幾多個月呀?
M:4個月呀!
E:係呀,係仔定女呀?
M:仔呀!
E: 哦...我都係行開唔好傳染你啦!
M: (乘機拍下佢膊頭) 咁你快d好番啦!!
好開心呀,其實多得一個朋友仔幫我叫佢同我影相,我至有機會同佢講咁多野呢!! 嘻嘻!!
期待收到朋友仔send番俾我的相呀!! 真係唔該晒你地呀!!
其中一個收穫
"官"字 兩個口
"官"字 兩個口...如果好多個"官"加埋....d口水絕對足夠浸死你...不需任何原因(藉口)!!!
中環地陷涉地盤工程及大雨 (明報) 06月 13日 星期三
政府完成中環利源東街的地陷事件的調查，地陷可能涉地盤工程及大雨造成。
政府發言人表示屋宇署、渠務署、路政署以及水務署已就今年四月二十四日發生於利源東街的地陷事件完成調查。渠務署、路政署以及水務署的調查顯示地陷事件的成因，跟利源東街地下的水管、渠道和各公共事業設施無關。 屋宇署的調查發現，有可能是因利源東街20-28號地盤內的地基工程引致地下泥土移動，再加上事發前的大雨，而引致這次地陷事件。
在是次調查中，屋宇署查閱的資料包括：由該地盤註冊結構工程師呈交的地基工程圖則；屋宇署在事件之後查問地盤的有關人員所得的供詞；地盤的認可人士註冊結構工程師和註冊專門承建商所提交的事件報告；及在事件後於地盤內進行的土地勘測及量度泥土數量所得的資料和數據。
屋宇署會徵詢律政司的意見，以考慮根據《建築物條例》採取進一步行動。
在事件發生後，屋宇署已着令地盤的認可人士和註冊結構工程師檢討地盤的地下土壤的狀況及是項地基工程，並遞交可提高地基工程施工的安全性及穩定性的方案。在未有收到一個滿意的方案前，屋宇署不會允許該地盤恢復鑽椿的工程。有關部門當繼續密切監察事涉地盤附近的土地和樓宇狀況，以保障公眾安全。
在這次地陷事件發生後，屋宇署人員於五月中對使用同類鑽椿方法的私人建築地盤進行了一次全面巡查，未有發現施工對地盤毗鄰的土地及樓宇有影響。
太過份了....一句與它們無關...便可以將所有責任付諸東流....幾容易呀!!
2007年6月11日 星期一
BB係男孩子。家熙篇
話說.....以下是我阿媽跟小表弟家熙在上星期六上午的傾電話內容...
我媽同佢傾完一輪計...然後問他...
我媽: 家熙,你知唔知表姐個bb係男仔定女仔呀?
家熙:我知,我今朝同goretti姑媽講電話,講左俾我知啦,佢係男仔,佢有"咕咕"架嘛..
笑到我阿媽呀....
到左下午,我地去左同佢地飲下午茶....
我: 家熙,你第時會唔會送你d玩具俾我個bb玩架?
家熙: (佢思考左一陣,冇答我個問題) ai...ai..表姐呀,你個bb第時出左世,你帶佢o黎我屋企呀,我屋企有好多玩具俾佢玩呀!!
我: (真係俾佢笑死...) 好呀!!
後來,上到佢屋企,佢第一時間,指住d玩具,同我講...
家熙: 你睇下,我屋企真係有好多玩具架!!
真係唔可以睇少而家d小朋友呀!!
2007年6月8日 星期五
bb,你真乖乖
今日,好開心,因為係第一次有老公陪我去做check-up! 之前,每次都只係我自己(除左2次有朋友/細妹陪之外)去睇醫生,眼見其他好多人都有人陪,我都會覺得自己好孤獨,好可憐呢!
今日去睇醫生,從u/s 估計bb已經有差唔多17週了,好清楚睇到佢的整個身體,佢兩隻手仔(仲睇到佢10隻手指仔添呀!),兩隻腳仔,面部,眼睛(雖然我唔係睇得好清楚,但我老公話睇到喎!),醫生都算好有心機咁逐個部位照俾我地睇同埋講俾我地知,呢度係咩,呢度係咩...然後佢問我地想唔想知係仔定女,我地話想,跟住佢就照住bb的下體部份,係有野架,係仔仔呢! bb,你真係好乖呢,因為你張開左雙腳,所以我地可以睇到!
身邊幾個同事,9月出世的曹bb都係女孩子呢,所以我同老公講笑話bb將來一定會好搶手呀!!哈哈!! 而家知道左bb 係男孩子之後,可以開始諗下改咩名了,又可以睇下bb衫仔啦,之前唔知係男定女,都唔係好敢去睇!
bb,你要繼續乖乖,努力成長,媽媽爸爸定會為你預備最好的,期待著你的來臨!
2007年6月7日 星期四
6月3日重聚日
呢日,雖然我帶著不太好的心情去,但係神親自透過詩歌來安慰我,叫我得平安,喜樂!
坐巴士去的途中,我同Bear講: 如果我唔係太肚,我諗我會參加詩班的! 因為我怕我會太勞累呢,而且聚會練習時間是星期一,是一星期最痛苦,疲倦的一天呢!! 但係阿Bear卻一語中的說:如果你唔係大肚的話,你就唔會每個星期一都得啦! 我就話:係喎....我冇諗過喎,我好似唔記得左自己的正職係天空上的工作添!
去到聚會的時候,聽到一個詩班的姊妹分享到o係詩班事奉的點滴,佢又咁岩有講到星期一去練習係會好攰,但係...點點點.....呢個時候,我就對住坐o係台上的阿Bear兩個一齊傻笑!!
點知,第二日(6月4日),收到使團的人打電話俾我,問左我幾個問題,原來係我之前,填回應表時,膽粗粗tick左話想加入詩班,哈哈,我自己都唔記得左添! 佢話遲d應該會再有人聯絡我去面試. 我都有同老公商量應否參加,佢就話你而家咁的身勢,睇下人地肯唔肯俾你加入先啦!
我倒是抱著一個很平安的心情去看呢件事情,看看神的心意如何啦! 神呀,呢件事完全交托給祢了!! 你要我怎麼辦,我便怎麼辦!
訂閱：
文章 (Atom)