發惡夢

呢兩晚都訓得麻麻地,連續兩晚發惡夢,前晚發夢,見到bb出世之後的情況,我夢見我同老公都唔係好識照顧bb,攪到bb成日整親!

 好驚呀! 尋晚又發夢,但係我訓醒已經唔係好記得夢的內容,只係記得我發夢發到喊!

 到底我係咪好驚呢? 到底我係咪好大壓力呢? 到底我係咪好唔開心呢?  我又唔係好覺得喎!

 雖然間唔中都會諗多野,都會有擔心的時候,但應該都仲handle 到呀!  我地而家好多時都會一齊為bb祈禱,因為我地相信神一定會保守我地,保守bb!!

 所以,我每日都有好平安的感覺架喎!   希望今晚唔會再發惡夢啦,我好想訓番一覺好的,仲要訓到好晏,嘻嘻!!

我很喜歡這個禱文: 「親愛的主，求祢賜福，保護我們的bb，用祢的愛、平安和喜悅充滿他，以祢溫暖的愛四面環繞他。讓他按祢所喜悅的樣式長成一個美麗的孩子。謝謝祢賞賜我們這個孩子，將這個新生命交托給我們，謝謝祢給我們的祝福。」

bb,你除了得到天父的大愛,爸爸媽媽也會努力的學習如何去愛你,因為你是我們最寶貴的孩子!