呢個星期,我終於都黎到一個新的部門了,做左幾日,都ok啦,都係打下資料,對下野咁啦! 對住部電腦,點都好過對住部釘裝機同碎紙機既!(起碼唔會嘈住bb覺覺豬嘛!)今次呢個位置應該會係可以settle down 啦卦,所以未來呢5個月我都會o係呢度過!
而家日日番公司,見到好多同事準備飛,都真係令我好懷念天空的工作呢! 雖然天空的工作係好辛苦,但係日日坐office的日子真係幾悶架! (冇計啦,已經習慣左不定時,自由自在的返工時間嘛! 所以而家每朝我都要同睡魔打交,先可以起到身!) 我以前都做過office,就係因為覺得太悶,加上o個份工唔好pay, 所以先轉左去做天空的工作! 點知,而家又番返去呢d日子了,不過,為了bb,冇辦法啦! bb,為了你,媽媽會加油架! 你都要o係媽媽肚仔裡面加油呀!努力成長! 好唔好?
麥卡倫以帥印保碧咸 (明報) 05月 31日 星期四 05:05AM
【明報專訊】英格蘭教練麥卡倫為自己「撥亂反正」重召前隊長碧咸開腔，指碧咸狀態極佳，並以帥位擔保「萬人迷」回歸的決定。然而在碧咸歸隊同時，英格蘭中堅里奧費迪南卻受傷，肯定無緣出戰周五對巴西的友賽，以及下周三對愛沙尼亞的歐洲國家盃外圍賽。
繼皇家馬德里教練卡比路大讚碧咸狀態勇銳後，「麥帥」亦為自己重召碧咸的決定解話：「我年初已密切留意碧咸的表現，現在他看來狀態十分好，我甚至未見過他有這麼好的水準。」他以破釜沉舟的態度力挺碧咸回歸：「（碧咸回歸）不是為了球迷及傳媒，而是為了球隊、為了英格蘭及為了勝利。儘管（重召碧咸）或會是錯，但我認為這是一個給他證明自己的機會。」
然而英軍有喜亦有悲，里奧費迪南因腹股溝傷患，將無緣披甲鬥巴西，他失望地表示：「我錯過了在新溫布萊球場的首場國際賽，被排除於這個歷史時刻令我十分沮喪。」熱刺中堅戴臣亦因傷退隊，預料英軍周五對巴西一仗，利物浦中堅加歷查將伙拍車路士隊長泰利扼守中路防線。
嘩..麥卡倫..多謝晒你呀,俾個咁好的機會碧咸!! 你真係好偉大呀!!
同時,因為重返英格蘭國家隊，忙於備戰,所以碧咸下個月可能無暇擔任加利仔伴郎!重記得想當年碧咸結婚時,都係加利仔做伴郎架!
足球路上一度受挫,碧咸以紳士風度換來各界讚譽
碧咸 再次有大師級的演出，但這回不是球技，而是他被俱樂部(球會)和國家隊拒絕後所展現的風度，也為32歲的他贏來各界讚譽。
碧咸去年8月發現自己成了英格蘭 隊新任主帥麥克拉倫(麥卡倫)揚刀立威的犧牲品，10年來一直是國家隊要角的他，被麥克拉倫視為多餘的成員。
英格蘭隊在2006年世界杯出局後，皇馬中場碧咸雖放棄隊長職位，但他肯定認為自己距第100次代表英格蘭隊出賽已不遠。
當麥克拉倫下了不同決定後，碧咸卻沒有抱怨，也沒有關上重返國家隊的大門，而決心更努力的訓練和比賽。
每當被問到此事時，碧咸總是說，為英格蘭隊效力是他的榮幸，他隨時等候國家隊的召喚。
麥克拉倫曾說碧咸未必永遠無法歸隊，但當時看來，碧咸第94次為國效力、也就是英格蘭世界杯八強賽點球(十二碼球)負於葡萄牙那一戰，便是他代表英格蘭的告別作。
**重返英格蘭隊**
碧咸1月宣布將在本賽季結束後加盟洛杉磯銀河，並已簽下五年合約，總額是令人瞠目結舌的2.5億美元，當時看來他似乎就快進入輕鬆愜意的職業生涯晚期。
皇馬主帥卡佩羅(卡比路 )隨後對該新聞回應說，碧咸將不再為皇馬出場。
而碧咸則再次以正確方式回應，僅一個月後，被碧咸職業精神所感動的卡佩羅便自食其言。
「是碧咸的刻苦訓練和職業態度打動了我，」卡佩羅2月將碧咸重新召入隊中後說。「當你犯錯後，明智的做法就是糾正它。」
回歸皇馬後，碧咸最初擔任後備，隨後成為先發，並幾度打入關鍵進球，在聯賽還剩三周結束時，他似乎成了西甲精力最充沛的球員，而皇馬也擁有自2003年以來首奪聯賽冠軍的良機。
卡佩羅當然已折服於碧咸的表現，當傳言稱碧咸可能重返國家隊時，他明確表達了自己的觀點。
「我不明白當一名球員有如此出色的表現時，怎還會被排除在國家隊之外，」他周五說。
一天後，麥克拉倫便追隨卡佩羅改變初衷，宣布碧咸重回英格蘭隊，將參加下周對巴西的友誼賽，及6月6日對愛沙尼亞的2008年歐洲杯外圍賽。
「他自始至終是一名真正的職業球員。他找回自己的狀態，應當入選，」麥克拉倫說。
雖然我個人認為佢應該要SAY NO,但我知其實佢自己係好想可以踢番國家隊, 都好既,起碼可以有多d機會睇到佢踢波,因為佢去左美國踢波之後,就冇咩機會可以睇到了!!
回復到寫字樓工作之後, 我就與一般人一樣很喜歡"紅"假的來臨! 今個星期返左3日工,依然繼續每天做我的釘裝,碎紙, 同其他同事講,佢地都會贈我一句:你就好啦,可以咁hea! oh my god, 呢幾日,真係一ｄ都唔好過呢!好悶架! 不過我o係呢個office的日子已經過去,我已經完成晒佢地要我做的工作了! 所以,星期五,我就會去到另一個地方了,而家仲未知會去邊架,聽朝番到去先知! 呢幾日,依然繼續每日朝早7點,掙扎,賴床....唔到last mins都唔肯起身! 今日放假,仲唔訓番夠本, 到成12點先起身呀!!
尋晚本來想話睇歐聯,但係實在太攰了,所以最終都係放棄左....結果 AC win左2:1 其實兩隊我都冇話特別支持邊隊,不過,都好開心既,因為馬甸尼可以又再一次捧盃! 話晒,佢都已經老了...都唔踢得好耐啦!!
bb, 你而家已經係一個完全成型的胎兒了!! MaMa彷彿可以從超聲波相片中,看到你的模樣!
直到而家,已經有4個人覺得你係男孩子了,第一個係MaMa我,上次o係醫院照完超聲波,見到你好活躍,不停手舞足蹈,我就同你的爸爸講: 我覺得bb係仔! 不過bb爸爸覺得我冇咩根據! 其實呢個只係我個人的感覺而已!! 最近,我將bb的超聲波相片俾朋友睇,佢地3個auntie睇完之後,都不約而同咁講話覺得bb係男孩子呀!! 有一個仲話覺得bb似爸爸添呀!!
其實,一路以來,別人問我想生仔定生女,我都係會答:生女! 因為我覺得女仔會乖d!
下個月啦,希望下個月再做check-up時,bb你可以乖乖,讓我地睇得到你係男孩子定係女孩子啦!!
感謝主,bb你真係成長得好快呀,因為媽媽的肚仔好似大得愈來愈快呀!!
尋日朝早,終於都起左身番工啦! 雖然前一晚都係訓得麻麻,原來,唔經唔覺,我已經放左成個月病假,所以結果尋日都係要好努力好努力咁先爬到起床!!
尋日放工,o係公司等緊車番屋企的時候,除左帶住我非常疲累的身軀外,望到一架一架起飛的鐵鳥時,我竟然有點掛念"天空上的工作"!! 或者,我真係習慣左不定時,自由自在地工作,所以尋日困左o係office成日,真係覺得好悶,好攰呀!! 仲要,我尋日整日的工作就係影印同埋不停地訂裝,好彩的係o個部釘裝係電動的!如果唔係,逐本逐本咁用人手釘,我諗我隻手已經斷左!!
今朝起身,嘩...發覺右邊膊頭勁痛!! 唔知點解?!救命呀!! 今日番到去,依然繼續做我的釘裝, 同埋proofread! 天呀!! 明明用同一份original 影印出黎架嘛,但係就係偏偏信唔過佢呀!
好慘,連續兩日,放工坐完車返到屋企都嘔!!
我真係比較喜歡"天上的工作"呢!!
同埋,而家要諗每日著咩3,好煩,之前返工有制服著,唔使傷腦筋嘛!!
前陣子,有了bb後,我的體重一直增加,到達一百一十幾....不過這兩個星期,可能由於冇咩胃口,食得唔多,食左又嘔,所以體重竟然回落至一百零幾!
希望過一陣子,我的胃口好番d,可以食到多d,咁我的體重應該會增加番架啦!!
今日,本來打算番工啦,點知,尋晚在床上來來回回都係訓唔著,結果老公今朝叫我起身時,我當然十萬個不願意啦! 但佢冇放棄,繼續叫我...結果我起身...嘔呢!! 明明肚子是空空的,嘔什麼呢? 嘔空氣啦,好辛苦! 結果我起身,食左塊面包,o係sofa休息左一陣,就走去繼續覺覺豬啦!! 我同老公講: 我係唔係患左"番工恐懼症"呢? 唉....放左咁耐假,叫我番工,好似好難咁呢? 但係,唔可以咁架嘛!! 所以,下星期一,我一定要番啦!!
好野,連續兩日都冇嘔啦....
最舒服的3個月~懷孕中期 .....我等著你的來臨呀!!
自從上年結婚後剪短頭髮,跟住一路都keep 住短髮! 因為實在太方便了,除左返工慳番好多時間,平時都唔使點打理!! 呢排,d頭髮開始長啦,天氣又開始熱了,促使我要去剪頭髮的念頭了!
終於,今日下午就走左去剪啦!! 好開心,個頭又輕番好多啦!!
剪完之後,我同個髮型師講:我好似後生左十年咁!
佢話:係呀,可以去番中學啦!
我話:好似中三呀!
佢竟然話: 唔係!係中一呀!!
我話:吓!!唔係卦!
佢話: 講笑姐! 唔好睇咩?幾好睇呀!!
我話:你剪架嘛! 你梗係話好睇架!
佢話: 唔係呀! 真係幾好睇呀! 而家興呀!!
我都冇野可以講了！
話説,尋日(9.5.2007)係我同老公拍拖7週年的日子. 前晚臨訓前,我問左佢一個問題:你記唔記得聽日係咩日子? 佢大叫左一聲: 哎呀!!!! 結果我o係今朝起身見到呢份"禮物",冇錯係今朝...可能佢尋晚番到屋企唔記得左拎出黎送俾我卦!!
一大開,原來入面裝著我至愛的Mrs.Field Cookies! 但係佢都係一貫佢的作風,入面係一隻字都冇寫架!!
下午我打俾佢,佢問我:見唔見到份"禮物"?
我話:見到,但唔知係俾邊個既呢,入面一粒字都冇寫!
佢竟然答話:我趕唔切,冇時間寫呀!!
真係俾佢激死呀!! 不過都好開心既,因為at least有 "禮物" 收嘛! 嘻嘻!!
呢幾日,唔知點解無端端上唔到網,真係激死人呀!!!! 時不時,佢就要鈕下計,但係請不要選擇在這個時候嘛!! 呢幾日,總是悶悶不樂,唔係幾開心,身邊o個個,每日番到黎,都好似死左咁,我知佢好攰,每日面對住好大的壓力,但係..我都唔知可以點..可能佢會覺得我唔關心佢,連問候佢一句都冇!
經過幾日努力,我終於都整番好個上網connection, 點解之前會上唔到網,今日又得番呢? 真係冇得解,或者佢同我一樣, 想發下脾氣卦!!
大家不用擔心我啦,只是想發洩一下而已!!
8.5.2007
今日晨咁早就起身,去左母嬰健康院排隊拎籌,做產前檢查!! 好唔開心,因為一起身就好想嘔,去到見到好多孕媽媽都有人陪,而我自己就孤零零一個!
同埋,我發覺香港(尤其是我住o個區)真係好快俾大陸人攻陷! 去到邊都係佢地,好恐怖呀!!因為一張身份証,就有咁大的影響力麼!! 香港,有寶咩?? 香港其實絕對唔係一個好的居住環境,地少人多車多,不過,可能已經比大陸某d地方好卦!! 最攪笑係有個女人排o係我前面,佢去到counter,個職員同佢講左一輪野,跟住佢就話:你可以講普通話嗎? 然後個職員點答呢? 佢話:你要識聽廣東話至得呀!! 跟住佢就唯有用有限的廣東話黎同個職員溝通溝通!!
由於太早起床的關係,離開健康院,食左少少野,就番左屋企大覺訓啦....唔知點解,真係超攰,超眼訓喎!! 直到5點幾我媽打電話黎,我先起身! 起左身,食左少少野,就去左酒樓攞位,因為今晚約左細妹請阿媽食母親節飯,好好彩,細佬今晚又可以準時放工,同我地一齊食飯!! 好似好耐冇一家人一齊食飯啦,因為我嫁左,阿妹番shift,細佬又要成日開OT! 太好了,一家人可以聚埋一齊食餐飯,真係唔容易呢!!
7.5.2007
今日,去旺角睇醫生覆診,帶左一個人去同bb見面,就係bb的阿姨!! 由於我妹今日放假,所以就叫左佢陪我去! 佢係第一個同bb見面(o係個ulrrasound screen)的人呀! 今日,都好清楚見到bb的手仔腳仔同埋心跳!! bb大得快左好多呀! 上次8週時,只有20mm, 今日12週時,已經有60mm啦!! 不過都可能係因為佢大左好多,我開始覺得有"頂住頂住"的感覺,而且又影響到食野的胃口!!
而我最終都o係診所做左"唐氏綜合症"的test, 雖然以我的年齡來講,會有的機會係相當低,但最終都係用左$1000 來買左個保險,驗左都會安心d既!!
睇完醫生,我就同細妹去左唱lunch k,然後我媽來join 我地,去左食tea同行街街!
點知,行完街番到阿媽屋企,我竟然將個tea完全....釋放番晒出來!!
惡作劇之吻2已經開始拍緊啦!! 希望快D有得睇啦!! 超期待呀!!!
鄭元暢仲要剪短頭髮呢!!
http://www.youtube.com/watch?v=6KBZ-gyvJUg
如果唔係套DVD借左俾friend睇,我諗我又會拎出黎重溫重溫架啦!!!
發生路埳事件已經差唔多兩個星期了!! 呢兩個星期,老公晚晚都要開OT,好辛苦!!朝8晚8的生活實在太難為他了!! 而且,佢每日番到公司都要面對好多唔同政府部門的人,不停輪流炮轟,又要應酬佢個"好聰明"的腦細!!可以幫到佢的人真係唔多! 而我都冇咩可以做架,唯有自己乖乖的,好好照顧自己,盡量唔煩佢啦!! 希望呢D事可以快D解決啦,如果唔係,我老公(仲有我同BB呀) 都冇好日子過架啦!!
好可惜,我的身體最近真係唔係幾好, 成日嘔同埋暈!! 好辛苦呀!!
