香港,有寶咩??

8.5.2007

今日晨咁早就起身,去左母嬰健康院排隊拎籌,做產前檢查!! 好唔開心,因為一起身就好想嘔,去到見到好多孕媽媽都有人陪,而我自己就孤零零一個!

   最慘就係...唔使$的野都係都係咁...等..等..等..同埋等! 結果我今朝o係到磨左兩個幾鐘先有得走!! 做左d咩? 度高,磅重,俾個醫生check下....每個procedure都係要等! 最大的收穫就係個醫生用左個儀器去聽bb心跳,不過由於我bb仲係好細,所以佢都o係我肚皮上搜索左好耐,先搵到bb個心跳,原來bb的心跳係好快架,係我地的兩倍! 聽到佢噗..噗..噗..的心跳聲係唯一令我覺得安慰的時候!! 

同埋,我發覺香港(尤其是我住o個區)真係好快俾大陸人攻陷! 去到邊都係佢地,好恐怖呀!!因為一張身份証,就有咁大的影響力麼!!   香港,有寶咩??   香港其實絕對唔係一個好的居住環境,地少人多車多,不過,可能已經比大陸某d地方好卦!!      最攪笑係有個女人排o係我前面,佢去到counter,個職員同佢講左一輪野,跟住佢就話:你可以講普通話嗎?  然後個職員點答呢?  佢話:你要識聽廣東話至得呀!! 跟住佢就唯有用有限的廣東話黎同個職員溝通溝通!!

  仲有,我覺得香港真係咩人都有呢?!! 有人踢住拖咁黎做檢查...有個男人,冇帶老婆,自己走黎母嬰健康院,或者佢以為第一日只係拎籌,係冇得睇卦!!

由於太早起床的關係,離開健康院,食左少少野,就番左屋企大覺訓啦....唔知點解,真係超攰,超眼訓喎!! 直到5點幾我媽打電話黎,我先起身! 起左身,食左少少野,就去左酒樓攞位,因為今晚約左細妹請阿媽食母親節飯,好好彩,細佬今晚又可以準時放工,同我地一齊食飯!! 好似好耐冇一家人一齊食飯啦,因為我嫁左,阿妹番shift,細佬又要成日開OT!  太好了,一家人可以聚埋一齊食餐飯,真係唔容易呢!!