可惡的嘔吐+上網connection

呢幾日,唔知點解無端端上唔到網,真係激死人呀!!!!  時不時,佢就要鈕下計,但係請不要選擇在這個時候嘛!! 呢幾日,總是悶悶不樂,唔係幾開心,身邊o個個,每日番到黎,都好似死左咁,我知佢好攰,每日面對住好大的壓力,但係..我都唔知可以點..可能佢會覺得我唔關心佢,連問候佢一句都冇!

  但係我又好辛苦,食又嘔,唔食又嘔,成個人好攰,好想訓覺!! o個晚半夜我抱著個廁所o係咁嘔的時候,你就抱住個枕頭呼呼大睡!

 我知我唔可以要求你做到d咩! 因為就算你起左身,你都只係可以望住我嘔,冇野可以做!! 到左第二晚我又係咁,呢晚你終於都俾我恐怖的嘔吐聲音吵醒, 但係你起左身,企o係我隔離扶住我o個一刻,本來已經嘔到喊的我,淚水只有加快地流出來!!   呢幾日,我唔想同你講野,唔想俾你關心我,因為我唔開心,我嬲你,因為你一個星期唯一的一個下午也不可以給我,我知..我不應該去怪責你,我知..我不應該不體諒你,這些都是我知的, 只是很抱歉,我做不到!  

經過幾日努力,我終於都整番好個上網connection, 點解之前會上唔到網,今日又得番呢? 真係冇得解,或者佢同我一樣, 想發下脾氣卦!! 

大家不用擔心我啦,只是想發洩一下而已!!