體重~ 不是增加,是減少呢?

前陣子,有了bb後,我的體重一直增加,到達一百一十幾....不過這兩個星期,可能由於冇咩胃口,食得唔多,食左又嘔,所以體重竟然回落至一百零幾!

  不過大家不用太擔心,因為bb一直都有長大呀!!

希望過一陣子,我的胃口好番d,可以食到多d,咁我的體重應該會增加番架啦!!

今日,本來打算番工啦,點知,尋晚在床上來來回回都係訓唔著,結果老公今朝叫我起身時,我當然十萬個不願意啦! 但佢冇放棄,繼續叫我...結果我起身...嘔呢!! 明明肚子是空空的,嘔什麼呢? 嘔空氣啦,好辛苦! 結果我起身,食左塊面包,o係sofa休息左一陣,就走去繼續覺覺豬啦!! 我同老公講: 我係唔係患左"番工恐懼症"呢? 唉....放左咁耐假,叫我番工,好似好難咁呢?   但係,唔可以咁架嘛!! 所以,下星期一,我一定要番啦!!

好野,連續兩日都冇嘔啦....

...(雖然仍然是有好多胃氣!!)除左今朝一起身嘔左一輪空氣!! 但願我的嘔吐期已經過去啦!!

最舒服的3個月~懷孕中期 .....我等著你的來臨呀!!