我愛短髮

                               

自從上年結婚後剪短頭髮,跟住一路都keep 住短髮! 因為實在太方便了,除左返工慳番好多時間,平時都唔使點打理!!  呢排,d頭髮開始長啦,天氣又開始熱了,促使我要去剪頭髮的念頭了!

終於,今日下午就走左去剪啦!! 好開心,個頭又輕番好多啦!!

剪完之後,我同個髮型師講:我好似後生左十年咁!

佢話:係呀,可以去番中學啦!

我話:好似中三呀!

佢竟然話: 唔係!係中一呀!!

我話:吓!!唔係卦!

佢話: 講笑姐! 唔好睇咩?幾好睇呀!!

我話:你剪架嘛! 你梗係話好睇架!

佢話: 唔係呀! 真係幾好睇呀! 而家興呀!!

我都冇野可以講了！　

　剪好之後,我戴番眼鏡,第一眼睇,都覺得好似好怪! 番到屋企,照下鏡,睇下,望下,又覺得都ok呀!! 梗係啦...我唔可以覺得自己唔好睇架嘛!!

 哈哈!!!  (請準備嘔吐袋!)  我同自己講我係靚靚可愛短髮ManFish MaMa 嘛!!