30週~健康院檢查

bb,

今日,媽媽去左健康院做檢查....救命呀...個姑娘同上次一樣,又係話我重得多左....哈哈哈....佢o個個係咩標準呢? 媽媽由剛發覺有bb時48.5kg,到今日59.5kg,都係重左11kg之喎,大約24磅,但係媽媽懷著bb你已經有30週了!! 媽媽覺得自己重得一點都不過份啊!! 但係,姑娘仍然係話我略重!!

只怪佢個標準set得太....高啦!! 我身邊有同事重成三十幾,四十幾磅,咁佢地咪超級超重!!  我聽人聽過,話識朋友重左60-70磅添!! 我o個d係咪算小毛見大毛呢...呵呵!!

今日,媽媽又再聽到你的心跳聲了, 已經比之前很容易的就搵到你的心跳聲了,當媽媽聽到這個聲音,心情還是一樣的興奮呀,因為每一下的 噗..噗..噗,都代表著bb你的生命力呀!!

 請你讓媽媽每天也感受到你的生命力啊,知道嘛?

聽完你的心跳聲,姑娘便起勢地摸媽媽的肚子,不過佢摸左一陣,都係話摸唔到你的頭仔o係邊,佢話你"喱"埋左喎...

 所以呢,結果媽媽都係唔知道,呢一刻,你個頭仔o係邊啦!!

近來媽媽感覺到你的活動比之前更明顯了,可能因為bb你開始長得快了,媽媽的肚子裡已經沒有太多多餘的空間讓你活動了,媽媽有時感到你在踼,有時感到你在轉,有時更會看到自己的肚皮在震動...好得意呢!!

而且,由30週開始,媽媽又多了一個功課啦,就是每天要計算著bb你的活動次數呀,在12小時內不可以少過10次啊!! 你要幫幫媽媽手啦,記住要活動多d啦!!