bb,
尋晚,媽媽放工之後,去左睇bb呀,因為曹爸爸的bb前日出左世啦!! 於是,媽媽尋晚就同爸爸同埋aunt joanna 一齊去左醫院睇bb啦!! 廣華的病房都幾嚴謹呢,每次只可以兩個人入去探呢! 所以,我地大家都要輪流咁入去呢,入到去見到曹太太都經精神呀,而bb女就好夢正甜呀,佢好可愛呀,輕輕舉著一雙小手,所以都唔係睇得好清楚佢個樣呀! 而且,佢真係好細呀,不過佢只係出左世兩日嘛,係咁上下架啦,佢出世時有6磅4呀!! 而o係我地睇bb的時候,bb你踢左媽媽一下呀,你係咪見到bb都好開心呢,然後媽媽便跟你說:這是你的朋友仔呀!! 嘻嘻,你倆只相差兩個月啦,將來一定會有好多機會一齊玩,一齊長大啦! 
今日,見到人地的bb出世,我都已經好感動啦! (一入到去,見到bb的時候,我好想喊呀!)真係唔敢想像,兩個月之後,媽媽見到你出世,會係點樣呢! 媽媽一定又會變大熊貓媽媽啦,不過今次係開心到喊啦!!
沒有留言:
張貼留言