妊娠紋

bb,

早幾日,媽媽終於都發覺自己肚中間,有幾條可惡的妊娠紋出現了!!

 於是,我立即打俾爸爸,話俾佢知,因為我每晚都會叫佢幫我望下有冇紋出現嘛,因為我個肚仔愈來愈大,有d位置我自己已經望唔到嘛! 但係,佢永遠都話冇!  o個日,無意中,o係屋企坐o係度照鏡,俾我發覺左佢地的存在呀!!! oh my god....雖然我一直相信妊娠紋呢樣野唔會因為你好勤力咁搽gel就唔出現!! 仲以為自己咁叻,真係一條紋都冇!

 不過,好彩,都唔算係有好多!!  最激死係,老公番到黎,我指俾佢睇,佢話:哦,原來呢d係妊娠紋,我以為係你自己抓損咋,我之前都有問你係咪自己抓損架,你話冇呀嘛! 我點知o個d係妊娠紋喎,我又未見過!! 你話係咪俾爸爸吹脹呢!!

之前,有同事話,當發覺自己有妊娠紋o個一刻,好唔開心,仲喊左出黎,好彩,媽媽都算平靜,只不過有點愕然!!

 不過,我都好快接受左啦,可能因為佢係o係一個我唔係咁容易見到的位啦,哈哈!!  我有個同事,佢個肚勁大,當然佢d妊娠紋都係勁多,但佢好睇得開,仲話呢d係"signs of love" 添!!

 咁又係呀,呢個又係媽媽偉大的其中一個表記!!  為了生bb你,都唔會去計較咁多啦!!!