32週~bb的打氣

bb,

媽媽今日好忙碌呀,整日大部份時間都係對住個電腦click click click,打打打....好攰呀!!

 

大概你也feel到媽媽好努力咁埋頭苦幹呀,所以你今日下午,不停咁好努力咁o係媽媽肚仔度碌o黎碌去,又唔知你出左隻手仔定腳仔,來幫媽媽打打氣呀! 媽媽今日第二次"摸"到你了!!

 感覺雖然好似有d唔自在,但係又覺得好得意啊!!

32 週了,你已經愈來愈大了....媽媽的肚子也愈來愈大了....已經有38吋了....已經有好幾次你o係度"郁"的時間,我覺得我個肚係好似"輕微地震"咁啦!!

你"郁",媽媽會感覺很強烈,因為有時你會好興奮,不停咁"郁"!

你唔"郁",媽媽又會好擔心,因為有時你會好耐都唔"郁"一下!

每晚臨訓前,媽媽都會攪下你,等你"郁"下,俾媽媽感覺一下,媽媽先安心訓覺! 爸爸常常跟我說:bb"郁"你話佢"郁",bb唔"郁"你又話佢唔"郁",你講晒啦!咁你想bb"郁"定唔"郁"呀?!

大概爸爸未能親身去感受媽媽的感覺,因為媽媽真係時常都既"驚"且喜呢! 好開心又好擔心!!

但願天上的父繼續保守你,平平安安的在媽媽肚裡健康長成!!