洗衫~手洗篇

bb,

今日終於買左你的沖涼盆啦,亦難得趁住爸爸今日o係屋企,我地就一齊洗衫啦!! 今日主要都係洗新買的衫仔同毛巾啦!!

紗巾大晒冷!!

靚靚阿pooh毛巾仔 (媽媽今年的生日禮物from Gloria姐姐)

仲有爸爸媽媽同埋親戚新買俾你的衫仔呀!

洗完衫,休息左一陣,我地就落左樓下游水水了! 因為今年買的飛,只係用埋下個星期,所以要用埋佢啦!! 不過,估唔到今日d 水好凍呀....爸爸媽媽好"浪漫"咁o係池邊踢左好耐水,談左好耐心(因為當時成個池得我地兩個傻瓜!哈哈!!) 都冇落水呀!! 掙扎左好耐,後來都有d人黎游水了! 媽媽終於落左水啦,因為我真係好想游呀,同埋我覺得ok呀,唔係真係好凍呀,而爸爸就怕會好凍呀,因為佢未好番晒嘛,怕會冷親,所以佢只係o係池邊睇住我地游啦!! 游左大半個鐘,就返屋企lu!!