怕醜仔bb

bb,

今日又係同你見面的日子啦!  今日你已經係31週3日大了...你已經有4磅了,比起上個月,你重左1.5磅了! (難怪媽媽的腰酸背痛愈來愈厲害啦!) 不過,冇辦法啦,為了你,多辛苦,媽媽也願意承受啦! 所以,你要繼續乖乖的成長啦!!

不過,繼上次照4D之後,bb你今日依然係做怕醜仔啦,點都唔俾個正面媽媽睇下啦!

 我地今日都只係睇到你的側面啦! 醫生話你個頭o係下面,而你塊面仔貼住左媽媽的胎盤,因為角度問題,所以好難睇得清你個樣! 最多我地都只係隱約見到你的眼仔同鼻仔啦!! 反而,今次睇得好清楚係你的腳板仔同手仔,bb你仲表演"猜拳"俾我地睇添,好清楚咁見到你的手o係度開合!!

 bb的雙手,你見唔見到我d手指仔呢?

醫生話你個頭o係下面,而背脊就o係媽媽的左邊,雙手同雙腳就o係媽媽的右邊,難怪呢幾日媽媽總是感覺到你在右邊踢我啦!!