今晚食咩好?

每日,差唔多到放工時間,就要開始諗:今晚食咩呢? 已經好耐冇煮飯啦,因為太攰,太懶了,所以,好多時都係出街食或者叫老公買外賣番屋企食! 我都知道,食街外野係唔好,但係好多時都冇煮飯,因為一來有時放工番到黎,真係唔願郁,二來,兩丁友,成日都唔知煮咩食好!

今日,放工的時候,又係度諗左好耐,煮唔煮好呢? 結果,都係煮左啦,不過,由於時間關係,所以都係d好簡單o既野啦! 不過,最開心的係第一次自己煮"栗子炆雞翼",平時o係屋企,阿媽煮俾我食多,自己煮都係第一次呢,仲好驚會唔好食呢,好彩煮出黎都ok呀!!

 老公都好幫手呀,幫我清晒d餸呀!!

其實,近來都唔算好有胃口呀,所以煮下d自己鍾意食的野,都啱既...食都食得開心d啦..嘻嘻!!!

1) 栗子炆雞翼  2) 甜豆炒雞柳   3) 菜心   4) 粉葛赤小豆鯪魚湯 (由於時間關係,購自"自家湯")

好"青"同好"雞"的一餐,哈哈!!