破紀錄了,今個星期見左Eric 3次,真係好開心呢!!! 雖然今天的活動..不是很長...但是很有意義呀,是一個慈善活動!
29.7.2007 @MegaBox 就是這個笑容,吸引著我們這麼多年了....
而且,今天收穫豐富呀...對上兩次都沒機會跟他影相,傾計....今天..都有啦,雖然過程有點辛苦+出汗..哈哈...跟他說了幾句而已,但是我已經面頰通紅呢,除了因為天氣非常炎熱+做左十多分鐘產前行路運動+我是容易面紅的人,主要是因為我害羞嘛...
其實他真是很好呢...因為本來他可以先走啦,但是,他卻特意找個地方停下來,跟我們見面呢!
今日,跟小表弟講左一通電話,
我: 你o係度做緊咩呀?睇緊電視呀?
家熙: 唔係呀,ai...媽咪通常都唔會咁早開電視架!
我:咁媽咪幾點先開電視架?
家熙: ai....通常食飯之前少少先開架!
我: 你今日唔使學野咩?
家熙: 唔使,今日星期三!
我:咁你幾時學架?
家熙:星期一,二,四...星期一學"小玩意。大xx" (我唔記得左個名)...星期二細佬學畫畫,因為我報的時候full左,所以只係細佬學law..星期四學紙黏土!
......
家熙:你有冇睇"同事三分親"呀?
我: 冇呀. 你好鍾意樓華呀? (事原我媽打電話俾佢時,佢一拎起電話就話:我係樓華!)
家熙:係呀!
我: 點解既? 你鍾意佢,係咪因為佢好攪笑呀?
家熙:唔係呀,因為佢把聲好聽! (佢係好認真咁答我架!)
家熙:你有冇睇尋晚同事三分親呀? 我冇睇!
我:點解既?
家熙:因為我尋晚出左街食飯,攪到夜一夜,所以冇睇!
我: 哦,我尋晚都冇睇呀,所以講唔到俾你聽尋晚o個集講咩喎!
......
我: 你幾時黎探我呀? 我個肚大左好多呀!
家熙:哎...唔知呀......你bb幾時出世呀?
我: 11月law...
家熙:ai....係星期幾黎架?
我:哈哈....唔知架,而家未知佢幾時出世架..
家熙:咁你又知佢11月出世既?
我: (真係考起我,諗左一陣先識點答佢!) 因為到左11月,bb就夠大,可以出世law!
以上只係節錄,有d我已經唔係好記得,只係記得最"精景"o個d....哈哈哈....
Bombay, 未去已經知道..會好辛苦,講的係在航班上,因為d客人好.....
不過,好彩第一次飛,有個猛男classmate陪我一齊,又遇著一個好nice的中國人機師,請纓做我地的嚮導,帶我地四周圍遊覽...再加上第一次在航班上被manager訓示,
不過,bombay都有吸引我的地方....就係o個度的nan bread...而且o係呢度叫room service都好平,所以我"有幸"做呢班機的話,我都一定會食!
http://www.manfish.org/photo/210505bom/index.html
第一次來德國,碰巧有個同事好樂意做我們的嚮導,又碰巧跟classmate飛,所以大家一齊出左去玩啦!!
我地都去左好多地方呀...Heidelberg 真係幾靚,可惜時間有限,未能夠去其他太遠的地方好好遊覽!!
http://www.manfish.org/photo/270405fra/index.html
L.A. 我相信係我呢幾年飛得最多的地方,並唔係因為呢班機好做,或者因為呢個地方特別吸引,係因為我舅父一家住o係呢度,所以有機會我都會做,過黎探下佢地!! 不過,其實L.A.都有好多好玩的地方,係未有機會去既...
呢次,因為有機會同clasmate 一齊飛,所以就一齊去左Universal Studio玩...好正!
http://www.manfish.org/photo/170405lax/index.html
另一個探訪舊朋友的trip,佢地過左去讀書,而家都差唔多番晒黎香港lu...
我覺得Melbourne 都係一個幾好住的地方, 雖然我冇住過! 有時去到外國的地方,真係覺得香港唔係人住架,又細又多人....都會好嚮往在外國生活的日子,所以我鍾意呢份工,可以讓我有機會間唔中感受一下,因為香港始終是我家,我都係離開唔到架呢!!
http://www.manfish.org/photo/200305mel/index.html
Anchorage ~是我第一次見到"雪"的地方, 還很記得當我第一眼看到那些舖滿白雪的山,那感覺多特別!
不過呢度係一個會令人幾sad的地方,因為每日得幾個鐘係見到白天的...
Toronto ~是我第一次見到"落雪"的地方, 仲好記得跟同事走在街上,突然間她告訴我,好似係落雪呀,我地仲好傻咁,用隻手去捉d雪,
http://www.manfish.org/photo/160205ancyyz/index.html
第一次踏足Sydney, 給我的感覺是...很舒服....一個不會介意再去的地方...這幾年都已經去了好幾次了...
http://www.manfish.org/photo/090205syd/index.html
回到地上的時間愈來愈長,便愈來愈懷念在天上的日子了...雖然大家都說我在地上的日子有多麼的好,但我並不十分認同,曾幾何時,都有想過可會回到地上工作去,這樣便可以天天在香港,天天放工回家,但是,原來我已經習慣了天上工作的日子、模式,要我回到地上,每天面對著同樣的工作、同事,我會覺得吃不消呢! 我相信我仍然喜歡偶爾離開香港的日子,而且在工作上也不用去顧忌太多,在辦公室工作的是是非非,真是令人討厭,不過,始終有人的地方便會有是非,這是鐵一般的事實! 只是,以前我每次面對這些是是非非的時間不會多,最多只會是三十多小時,放工了便是放工了,不用去想太多!
當然,天上工作的日子也會有其辛酸的時候,而我在這一段不能飛的日子,便只有從同事口中、其他同事的blog中感受一下在天空工作的日子啦! 有時聽到、看到她們的辛酸事件,也會替他們感到辛苦呢!! 大家努力呀,等我,幾個月後,我便會回歸到大家的奮鬥行列當中,繼續努力!!
這段不能飛的日子,也只好靠著相片緬懷一番吧!!
由於家中傻貓近日經常有家不歸通山走..攪到自己好污糟,所以唯有捉佢洗白白啦!!
一直佢都好唔鍾意洗白白,不過今日好乖喎,企定定咁任人洗.....
當然佢的忍耐力始終有限,所以老公都用最快速同佢沖完,然後捉佢去晒太陽!
晒完太陽,就番左入屋啦.....
你睇佢幾努力...想出去...但係我鎖左對門嘛...無論佢點出力....都冇用呢
佢好努力...足足抓左40秒...真係佩服..你唔攰架..傻貓!
救命呀...放我出去!!
點算好呢....
好野...我終於成功啦....
因為已經冇鎖..所以你咪成功law...嘻嘻....
~ 傻貓最新相集 ~
我最鍾意最後呢兩張.....
好開心,今日下午去左屋企附近睇Eric,其實個活動都有點無聊啦,一堆小朋友在玩遊戲,而他就當評判啦! 我就好"準時"去到啦,原先都諗住早d去到架,點知結果都係好趕咁"準時"去到! 不過個活動都仲未開始,好彩朋友仔都對我好好,讓個位子給我坐! 雖然有點無聊,不過,最後佢唱左"永遠保護你"呀,一聽到音樂起,大家都好興奮呀!!! 第一次live 聽呢首歌,好開心,呢隻真係一隻令人好開心,感覺好幸福的歌呢,加上Eric笑笑口的,好開心咁唱....真係正呀!!
雖然之後人太多,都冇機會同佢講野,但都好近距離咁...目送住佢離開! 哈哈!! 冇計啦...我要避開人群,保護自己嘛! 唯有寄望下次啦...
http://music.sina.com.hk/cgi-bin/mu/album/main.cgi?id=9765
bb,
自從媽媽開始感覺到你的活動之後,每天晚上我跟爸爸都會與你玩這遊戲! 輕輕拍拍我的肚皮,你便會乖乖地給我們反應! 最可愛的地方就是...有時媽媽將手放在肚皮上,去感覺一下你,你總是會給我反應. 不過換了是爸爸的手,你便會不動一下....哈哈...你果然真是媽媽的乖孩子呀,跟媽媽一樣,愛捉弄他!! 但是,有時是他的反應遲鈍呀,明明bb你在動,他卻說感覺不到呢,真是被他氣壞呢!!
有時,真是多希望bb你可以快點來到陪著媽媽呀,這樣,媽媽的所有注意力都會在你的身上了,不再需要爸爸時刻的陪伴了!(到時可能他就會後悔呀,呵呵!!) 就讓他去做他喜歡去做的事呀,不用再惹大家生氣呀! 因為媽媽不想再為著同一個問題跟他吵鬧了! 不要呀!!
但是,bb你不用替媽媽心急呀,你要乖乖在媽媽肚子裡好好成長呀! 到適當時間,才來跟我們見面呀! 現在,你就在肚子裡替媽媽打打氣啦!! 為了你,媽媽會加油啦!!
16.7.2007
bb,
媽媽又跟你見面了! 今日去左私家醫生度做檢查,上到去,例牌都要等...仲要係唔知等幾耐啊!
等的時候,bb你不停咁踢我,你係咪好心急想見媽媽同婆婆呢?!
等左差唔多1個鐘,終於到我了,好開心,雖然已經冇之前o岩o岩有左的時候..咁大感觸,但係我仍然好期待每次跟bb你見面啊!今次我好努力咁望..隱約見到你的眼仔,鼻仔,咀仔....最清楚見到的係小弟弟,因為醫生為左證實你係男孩子的關係,所以佢將你的腳仔部份放大,令我地好清楚咁見到! 哈哈,bb點解你每次都咁乖乖,張開你對腳仔,俾我地睇o既呢! 媽媽仲好清楚睇到你的十隻手指仔,好得意呀..媽媽已經恨不得而家可以捉住你的小手啊!
不過,醫生話媽媽的胎盤有d低呀,佢冇咩點詳細講,只係話睇下遲d會唔會升番,我諗應該冇事既! bb,你放心啦,媽媽一定會好好照顧自己,照顧你,讓你平平安安的來到這個世上呀! 求主保守!!
下個月再見啦!! 你記住要每天跟媽媽打招呼呀!!
隨著bb日漸長大,我的肚仔都開始長大了...加上近日天氣非常熱,令我好想著大肚裙呀! 但係,o個晚o係屋企試下著自己買的/人地送的大肚裙,再照照鏡,實在有d接受唔到呢個樣的自己,看上去好肥,好似大肚婆呀!! 我在大叫:好肥呀! 我老公冇我咁好氣,回應我一句: 咁你係大肚婆呀嘛!!! 但係,有d大肚裙真係好大,要遲一點先著到呢!!
尋晚,放工出左中環,諗住搵老公去行下H&M,因為之前去親都好多人,令我唔係好想行! 不過,今次去到都一樣係咁多人!! 一開始,就上去左maternity section睇,噢...好失望呀,d衫實在.....又少又唔靚,反而,我o係其他section 揀左好多件,因為今年興晒d長長的娃娃裝...實在太好了!!! 雖然價錢唔算好平,但起碼平過d大肚裙同大肚衫啦!! 所以,今日....大出血啦!!!! 我同自己講,我今年唔會再買衫架啦!!!
結果,我地不知不覺o係o個度消磨左個幾兩個鐘,因為人很多,fitting要排隊,俾$又要排隊!! 而老公就全程做足阿四,陪住瘋狂shopping的我!! 辛苦你了!!!
今日,山長水又遠,入到將軍澳,為的是見見你,為你打打氣啦!! 因為遲d肚子再大一點,便會行動不便,不可以經常去見到你了! 今次是我第一次這樣看現場錄影節目,雖然時間不算長,但見到你做左咁多野,又唱歌,又打拳攪到身水身汗.....同埋又可以同你影到相,真是值得! 多得大家的照顧及禮讓,我才可以得到呢兩張相呢!!(special thanks to Yvonne for taking the pics for me!!) 因為今天人比較多,加上我又乖乖不會跟大家一起去擠,不太容易走近你身邊,所以真係多謝大家俾面..我個肚仔呀..其實我也感到十分不好意思呢!!
今日,我仲第一次o係地鐵得到一個座位,有個叔叔好好人呀,佢見到我個肚仔,就讓左個位俾我呀,等我唔使企咁耐,多謝晒你呀!!!
