女人。情緒化

女人係情緒化的動物,呢樣野我好清楚,因為我自己都係一個好典型的情緒化動物!!

但係,我自問工作認真,冇遲到冇蛇王冇早退,又冇踩親你條尾,點解要咁對我呢? 呢個星期,為左去做check up時間問題,同我supervisor 發生d意見分歧!  詳細情形,唔講了...因為件事都算做完結左,我已經俾呢件事困擾左幾日,唔想再去講番了!!  不過,大部份寫字樓的同事都會對我地大肚的同事好好,好體諒,只可以嘆句我冇人地咁好彩啦...同人唔同命啦....

 佢唔體諒不特止,仲用d好唔友善的態度,同我講d好衰的說話,o個日攪到我幾想喊呀!!!! 不過後來我知道有d大肚同事的待遇仲差...唉...一山還有一山高呢...

只不過,你心情唔好,也不應該發洩在我身上呢...每個人都會有情緒,有壓力,我好明白!! 但我認為我冇必要睇你面色,你唔係我老闆,我只不過暫時俾人寄放o係呢度..幾個月咁多!! 不過,經過同身邊的家人,同事,朋友發洩過之後,我已經回覆我的心情了....我冇必要為左呢個人而令自己唔開心!!  我只會繼續做好我的本份,話知你!!我要諗,要傷腦筋的事仲有好多呢....例如: bb的名字啦,生活上的安排啦...

不過,我覺得自己的情緒都好容易波動,未有bb之前已經係架啦...而家更加係啦..但大家請放心,我的宣洩對象通常只係一個人...哈哈....

打完呢篇blog,呢件事就正式close file啦...我要繼續努力做個開心的孕媽媽!!