又到左一年一度的生日了....多謝各方好友的電話,sms,e-card的祝賀....多謝晒大家呀!!!! 
呢份就係老公送俾我的生日禮物啦,係metallic rose顏色的NDSL!! Yeah...可以同老公兩個人一齊打機了....話說,早幾日...
我問老公:你諗住送咩生日禮物俾我呀?
佢話:未諗到呀,你想要咩呀?
我話:不如你送部nds俾我呀!! (話說,我早已擁有一部白色的nds,但有一排我冇成日玩,於是佢就拎左去玩,變左我想玩的時候,就冇啦,因為我又想俾佢玩,所以冇出聲話要玩!)
佢話:係呀,咁我俾番你玩,我唔玩啦!!
我話:(其實我估到佢實會咁講!)...唔好啦...如果買多部,咁我地咪可以一齊玩law..
佢話:唔使啦.....我俾番你玩啦!!
於是,第二日,佢就真係冇帶部nds番工,留左o係屋企俾我玩! 我就以為佢唔會買俾我啦!!
點知,到左我生日的時候,我地又玩"尋寶遊戲",將份禮物收埋o係房,叫我自己搵出黎,但係玩親呢個遊戲,我都好屎,成日都搵唔到,或者要搵好耐....(經過多番提示)...結果俾我搵到部nds喎.....哈哈....
跟住當然係好開心,好興奮咁拆禮物啦!! 然後,
我問佢:你又話唔買既....
佢話:因為諗唔到送咩禮物俾我,所以結果都係買左呢部nds law.....
由於,我一早已經安排好生日當天下午的節目,就係去一個好重要的節目,所以我老公唔使傷腦筋啦....
今日係我生日的大日子,亦都係佢舉行簽名會的大日子,所以我點可以錯過呢!
去睇Eric之前,仲偷左少少時間,去左附近另一個商場,睇下鄭元暢添...嘻嘻...我諗住順路望下之嘛...嘩...點知...幾多人呀...可能因為佢第一次黎香港做宣傳啦..不過人太多了.所以睇得唔係好清楚.."望"左一陣,就飛去另一個商場睇Eric了...
原先,諗住我自己去架..因為我唔想悶親佢,又唔想俾佢見到我咁興奮睇靚仔的情形嘛! 點知老公話要同我一齊去,要睇住我喎..嘻嘻...其實使咩驚呢,我會照顧自己架嘛,而且其他朋友仔又好照顧我!! 結果,佢同我去到,然後自己搵個地方坐低打nds啦..哈哈..後來,唱完歌仔,到左簽名的時候,佢咪番黎作出最大的貢獻~幫我影相囉!
呢個就係今日的生日禮物啦!!
簽完名之後,去左食early dinner,然後行下街,就番左屋企了.....又企又行左半日,對腳勁攰呀...
沒有留言:
張貼留言