10月1日壽星仔

30.9.2007

今日下午,番完教會,出左沙田去探阿勇一家! 冇見幾個月,徐仔又大個仔左好多呀,今次仲識講好多野呀...聽日(10月1日)係佢的生日,所以我地就帶左個蛋糕上去同佢慶祝佢的2歲生日啦!! 我地一齊唱生日歌,雖然佢都好似唔知發生咩事咁,不過,我諗對小朋友黎講,有野食同有禮物收就得架啦...嘻嘻!!

而姐姐熙熙就愈來愈似個大家姐咁啦,彷彿所有事都要o係佢的control/指揮之下進行! 有時,真係好難想像,點解一個5歲的小女孩會用咁的語氣/神態 o黎講野架?! 真係諗極都唔明,就好似我的小表弟一樣,都唔知o係邊度學番o黎o既

 係咪而家d小朋友普遍都係咁"早熟" 或者成長得太快呢?!

祝你快高長大,健健康康呀!!

呢架火車就係我地送俾佢的生日禮物啦!!

好鍾意呢張相,因為影得佢地個個都好得意呀!!