37週~健康院檢查

bb,

今日又係去健康院檢查的日子了...媽媽已經預早左d時間去架啦...點知都要拎到三十幾號籌,真係誇張,果然,星期五係多人d架! 最激氣的係做完例行公事(磅重,量血壓,檢尿)之後,姑娘叫我出番去等..話等見姑娘摸肚! 跟住我就話,上個星期,姑娘叫我今個星期早d番黎拎籌,可以安排我快d見醫生,唔使o係度"磨"咁耐,可以快d睇完番屋企! (因為係for 36週以上的大肚媽媽,唔使佢地等咁耐,咁辛苦) 我已經比佢講的時間早左黎到,佢竟然話..叫我等見姑娘!!(雖然見姑娘/醫生,都係做相同的野,但係話哂都已經有番咁上下週數,好似俾醫生摸,會安心d law...同埋我係有早黎到架嘛!我冇遲到喎!) 好彩,個姑娘聽我講完話幾點已經拎到,佢都肯安排俾我見醫生,如果唔係..等見姑娘有排等呀...

之後,好快就有得見醫生,一入到去,佢就問我做咩事,比起上個星期輕左1kg,問我胃口如何,有冇咩唔舒服,bb有冇郁少左?? 我話冇咩特別,結論可能係因為上次有d水腫,今次冇咩..所以磅數少左...不過佢都有問我有冇飲奶,我話冇,佢話建議我飲番下,因為我一向都唔飲奶架..初有bb時,都有逼自己飲,但係一飲就嘔,所以就放棄左啦!!

然後,佢就摸下bb你啦,醫生話你都算落得低架啦,咁我問佢,bb你係咪隨時會出世架啦,佢話:係呀,o係醫學角度,37週,已經算足月架啦! 不過佢話我唔算多胎水,所以你唔會係大隻b啦!!  我覺得ok呀,足夠,正常便ok啦,你太大隻,媽媽仲擔心啦,怕到時會生得好辛苦呢!!  所以,只要你健康,一切正常,媽媽便放心了!!

到底你會幾時出世呢? 最近睇好多人地穿水/見紅/陣痛以致生產過程的經驗分享,一邊睇,又一邊好驚呀...想睇多d,因為我想了解更多,好讓自己知多d,到自己經歷時,冇咁lei hae嘛...但睇得多,又好似令自己愈來愈緊張呢!!!  點算呀...bb?

bb, why can't he understand your mother-me? I've already expressed my feeling,I don't want myself to be depressed & make you feel bad...but...no one understand, maybe except you..my dear bb..because you're always in my heart, in my dummy,stand on my side....