尿道炎的疑惑

前日,一朝早5點幾起身去完廁所,訓唔番,到左6點幾頂唔順,好肚餓,於是叫醒老公,同我去食早餐!! 起身之後,唔知做咩事...嘔....因為一朝早未食野..冇野嘔,結果嘔黃膽水,好辛苦!!

跟住落街食完早餐見冇咩事,咪番工law...點知到左lunch time時,一食野就想嘔,又發冷..我懷疑自己朝早起身時,冷親! 結果,都冇咩點食到野...然後番公司等左大半個鐘,睇醫生,醫生話驚我係尿道炎,於是同我量血壓同驗小便...結果血壓正常,但尿尿有少少白血球..佢話正常係唔應該會有...但我又唔算係好嚴重,所以佢都冇開藥俾我食..不過我諗就算佢開俾我,我都未必會食...

我見個人好攰,好辛苦,於是叫佢寫假俾我休息一下,佢都好慷慨,寫左兩日假俾我! 之後,番到屋企附近,食左少少野,就番屋企zzz.....訓醒之後,已經好左好多...我諗我應該係休息唔夠同朝早冷一冷親姐...希望唔會真係尿道炎啦!!!