34週~健康院檢查

bb,

尋日,我地去左健康院做檢查呀,諗住自己都算早去到架啦...點知去到的時候,已經有好多人o係前面排緊隊了..結果拎左16號籌,不過好彩因為d姑娘的檢查好有"效率",所以,大約個零鐘,就有得走人了!!

今日個姑娘,唔係好得...雖然都明知佢會係做d咩,但係佢真係好快同埋有d求其,細咁二摸下我個肚,然後聽聽bb心跳,咁就check完啦....如果唔係我問佢,佢都唔會話我知bb的頭仔向下...

今次媽媽算唔算叻呢?因為呢兩星期我只係重左0.6kg,第一次係o係所謂的standard之下啦..哈哈..d人通常都話最後o個幾個星期會重好多,因為放產假嘛,成日淨係食同訓,所以會肥得好快啦...嘻嘻!! 唔知我會唔會呢? 仲有兩個星期,媽媽就會放產假啦...yeah...到時我地就可以好好休息,唔使再咁辛苦,日日番工啦!!

下次檢查已經係36週了...所以會由醫生做check up了..不過,千萬別期望太多呀...因為我相信d醫生都係....好有"效率"...哈哈...