請外援

由於我不想有婆媳糾紛+我對阿媽的如意算盤打唔成+知道要照顧bb又兼顧家務,並不是一件容易的事,所以=決定要請外援!!  其實我都知道可能係我當初諗得太天真,原先諗住bb係俾99湊,但係經過深思熟慮之後,我發覺我都係想俾自己阿媽湊多d!!

到呢一刻,我慶幸我有堅持呢個想法,因為原來有d野...係唔同就係唔同! 自己阿媽同人地阿媽真係冇得比較! 其實一直我都覺得我99&62係冇咩野,對我都幾好,可能係因為平時見面唔多,大家都客客氣氣,所以一直都相安無事! (因為我聽過身邊唔少人的婆媳糾紛經歷) 不過,自從我有左之後,唔知點解,每次見到99&62 ,就成為我的壓力,可能係自己太過敏感啦,我老公認為佢地對我的係關心,但係唔知點解,去到我身上的時候,我唔覺得係關心,反而係成為左我的困擾!! 其實,我都唔想自己有咁的諗法,但係我真係控制唔到自己,可能我o係呢方面EQ特別低啦,我知我有咁的諗法會令老公唔開心,但係我都唔想咁樣,可以點呢?  我好驚,我好驚bb的來臨會加劇...佢地對我所形成的困擾的感覺!!

希望可以快d搵到個適合的印印啦!!