相處的學問

人與人之間的相處係一門好高深的學問,我自問唔係一個好識,都好怕同人相處的人,所以我從來都係比較靜,唔多講野的人!!尤其是做左呢份工之後,返工的時候,已經要時刻笑面迎人,再加上體力勞動,坦白說,有時都幾攰o既,所以唔使返工的時候除左番教會,我多數都會留o係屋企休息,好少話周圍去!

但係,你身邊總會有人架嘛,你總要同其他人相處,有正常的社交生活嘛! 自從結左婚之後,你就"好似"多左個屋企咁,其實一路我都覺得冇問題,可能因為我唔係成日o係香港,所以同老爺奶奶見面相處的時間,其實真係唔多! 不過,自從有左阿b之後,唔使飛,時間留番晒o係香港,雖然同佢地見面相處的時間其實都冇咩點多到,但係,卻有另一番感受了! 唔知係佢地太過緊張定係我太過敏感,每次見到佢地,佢地都總有野"提點"我,唔係問我有冇著夠衫,就係話我對鞋點點點,攪到每次我見到佢地,都有d驚! 我可以做的只有同身邊的人~老公 發洩! 雖然明知同佢發洩,都於事無補,因為每次同佢講完,佢都只係會叫我"聽完就算", "當冇聽過"."佢地都只係表達佢地對你的關心姐".......sorry,我係一個EQ好低的人,唔識聽完就delete...可能講者冇心,聽者有意啦,我咁大個人,識得好好照顧自己呢,其實真係唔需要佢地咁樣操心呢!! 我知老公想我睇開d,想我明白佢地係一番好意,但係有時聽到呢d說話,真係會唔開心! 尤其是係呢個非常時期...最近總係覺得好depressed,好煩躁,好多野諗...

其實我知道,佢地已經算好好,冇咩點,因為更惡劣,關係更差的....大有人在呀,at least 我地唔係一齊住,已經避免左好多可能發生的問題啦!! 但係,我真係愈來愈驚呢..唔知bb出左世之後,會點呢?..我坐月,佢地會唔會日日o黎"關心"我呢?佢地會唔會爭寵呢? 會唔會寵壞bb呢? 我係咪想得太多,太遠呢? 我係咪太衝動呢? 其實係咪根本係我自己的問題呢...根本唔關佢地事呢?