bb,
到底你會幾時來到呢個世界呢? 最近,媽媽已經發左好幾次夢,夢見自己生得啦!! 每次話俾爸爸聽我發咁樣的夢時,佢總係會問我,咁生的時候係點樣?! 我就話個夢係冇details的,只係發夢自己生得,bb要出世了,然後就已經嚇醒左啦,根本唔會有後面..生仔時的痛苦情形,哈哈!! 尋晚,媽媽又發夢生得啦,我夢見我自己o係2/11生左你!但點解係2/11呢? 唔知啊!! 
bb你愈來愈重了,媽媽也感覺愈來愈辛苦了,前幾日冇左的腰酸背痛感覺,呢兩日好似又番來啦! 我終於明白點解之前有d同事話想快d生得....原來o係呢個時候,真係會愈來愈辛苦呢!! 宮縮的感覺令媽媽感覺又辛苦又擔心,因為當你在練習的時候,我感覺好唔舒服,又好怕你係咪要出世啦...係咪出現陣痛呢? 
真係好矛盾呀.....一方面想你快d出世,咁我就唔使再咁辛苦啦,但一方面又想你足月一些,這樣對你會比較好呀!!
bb,你要給媽媽多打氣呀,(不過唔使踢咁大力喎..),讓媽媽繼續努力撐下去!我們要相信,相信天上的爸爸,已經為我地定好一個日子,讓你平安的來到世界. 
沒有留言:
張貼留言