12.10.2007
bb,
今日又係媽媽同你見見面的日子啦...(今日陪媽媽去的不是爸爸,不是婆婆,而是你的女麻女麻啦) 不過...今日媽媽已經唔能夠從超聲波見到你啦,因為醫生話你的面仔已經向內了..所以已經照唔到你的樣啦...佢話如果你維持咁樣的姿勢,係最好生的...但係,仲有成個月,所以佢話你遲d可能會擰番轉面都唔出奇! (唔怪得之,最近每次感覺你郁,都覺得特別""冤""啦!!原來你係向住我的身體郁啦!)但係,你個頭仔已經向下,佢話應該唔會掉番上黎了,因為已經冇咁多位俾你轉啦!!
bb你真係好叻呀....今日已經有2.6kg啦...醫生話若果..你係足月至出世的話,可能到時會有7 lb呢!!雖然人地話重磅d,會易湊d,但係我覺得足夠,正常size已經很好了...如果你太大隻b的話,媽媽生你的時候,就會很痛苦呀...知道嘛?
前幾晚,發夢自己已經生得啦...夢的details唔記得了...只是最近都會開始諗...bb到底幾時會出世呢? 我會唔會早產呢? 我會見紅先 / 穿水先 定係 陣痛先呢? 
呢d情況會幾時出現呢? 到時如果得我自己一個人o係屋企,會點呢? 我會唔會好驚呢? 走佬袋係咪已經齊全呢? 真係太多野諗了....其他的事情,請不要我傷腦筋,好嘛? 可惜...事與願違....還是我想得太多呢? 
bb,係你的頭髮呀...雖然我想像唔到呢一撮係你的頭髮..但至少你唔係光頭仔咯..嘻嘻!!
醫生話你的心跳很正常,每當媽媽聽到你的心跳聲,總是有安心及興奮的感覺咯!
沒有留言:
張貼留言