今日放工,又同老公去左Jusco,目的當然是為了bb啦!因為今日開始,有嬰兒產品展,所以就同老公去睇下,有咩未買,諗住買埋啦...
結果,今日收穫唔算太多啦,都係買左幾件厚d既衫仔,同埋再買多左一打紗巾,因為上次只係買左半打,聽人話一定唔夠啦,早知上次買多d啦,因為上次discount多d呢!!
同埋買左d 洗衣液,遲d趁有時間要幫bb洗下d衫仔了..洗唔係問題呢,要搵地方晒呢,同埋要等天氣好d先得呢!! 但係,又唔可以早咁多洗喎,如果唔係又舖塵呢!
所以,真係要等待一個合適的時間呀,雖然我成日都好心急,
成日都同自己講,唔使買咁貴既初生衫仔,加上又有d朋友俾左好多衫仔我地,但係,今日又做唔到了!!
我好想bb著的第一套靚衫仔係爸爸媽媽買俾佢o既! 加上,呢幾件衫仔質料真係好舒服,所以貴少少都在所難免了!
當了孕媽媽之後,聽得最多的說話,應該是: 不可以... 不淮... 不好... 不應該...
開初的3,4個月,我都是很乖的啊,不吃生冷野,不喝凍飲..可是隨著日子過去,我的忍耐力便放棄了..
加上身邊很多魔鬼同事,說這不怕,那可以..我便慢慢放棄了我的戒口生活了! 加上,知道了腹中bb是個男孩子,便開始不抗拒深色的飲品了!其實好像也沒什麼根據啦, 不過當然如果是女孩子的話,我可能會繼續部份的戒口生活啦! 但是,老公也說:車,你係咪都諗住賴落我度架啦!(因為他的膚色比較黑,而我是比較白嘛,嘻嘻!) 可是,有些東西我都仍然是不會吃的,雖然我對某些傳說並不盡信,因為我相信只要飲食均衡,不是吃得太多,是沒有問題的啦!!
其實,有些時候,也會覺得好像很內疚(feel gulity)啦,因為你吃/喝了之後,有很多人走來跟你說你不應該...最好不要...好像我是做錯了什麼天大的錯事般! 救命呀,不用這麼對我吧,尤其是懷孕初期,胃口已經不太好,想食/可以食的都不多了,連我想食的東西都不可以食,那請問我還可以吃什麼啊?! 我絕對明白大家是為了我, 為了bb好,但是可以想想我的感受嘛?!
我常跟老公說:呢個同事都可以食咩...o個個同事又可以飲咩...點解我不可以?! 他便會跟我說:又唔見你數下其他人地唔食d咩..唔飲d咩??! 這時候,我便無言以對! 唯有乖乖就範! 不過,老公對我也算很好啦,而家好多野都已經俾我食,俾我飲啦!! 因為佢無我辦法嘛,嘻嘻!!
當然,做一個孕媽媽也有開心的時間,記得初初有bb的時候,聽得最多就是恭喜的說話啦,因為人家看見/知道你大肚,都會替你感到高興! 由知道有了bb到可以跟別人分享這件事也有一段時間,那時,真的巴不得立即跟身邊的朋友分享我的喜悅,可是老人家說不能太早說嘛,雖然我們並不認為有什麼大問題啊, 可是..還是先忍忍口嘛,加上初初有bb時,bb不是太stable,也有擔心呀! 感謝神,後來bb也一直都很好,很健康!!
而最期待的,就是每次去睇醫生,可以從超聲波看到bb的動態,每次我都會珍而重之將超聲波相片好好收藏在相部裡,不時拿出來"欣賞"!到後來感覺到bb的心跳與郁動, 就更是興奮無比,每天都要與bb隔著肚皮好好"溝通"! 每天,看著自己的肚子愈來愈大,愈來愈脹,有時也會感到很害怕,好像吹波一樣呢,有點可怕! 可是,肚子愈來愈脹大, 便代表距離見到bb的日子愈來愈近了,有時,真的很心急,很想快點看到他,抱著他! 還有74日,我與老公的bb便會來到我們身邊,我們的家便多了一份子啦!! 為了bb,我們都很努力,用心,希望可以為他預備很多,很好的,雖然我們所做的未必全部都是好好,但至少我相信我們可以給bb一個舒適,有愛的家!!
最近,看書看到有關"生產"時的部份,更叫我見到神創造人的奇妙,同時也教曉我,人真的很有限制,但願我的生產過程都是充滿神的帶領與平安! 求主保守!
bb,
你已經有29週了,你的身體跟頭仔開始有適當的比例了,這最後的3個月,是你腦部發育的重要階段,你的神經細胞正在以每分鐘製造100,000個的速度增長,到你出生時,腦部已經發展了數以千億計的神經細胞,足以供應你一生所用!! 神的創造真是奇妙偉大呀!!
媽媽的肚子已經有37吋了,你愈來愈大個仔了,媽媽的肚子總是實dum dum的啊, 可是,也因為你愈來愈大個仔,媽媽所要承受的重量便愈來愈多了,令到腰骨本來已不太好的媽媽,常會感到腰酸背痛呀! 可是,這也沒法子啦,只好常在爸爸面前撒嬌,每晚找他當媽媽的按摩師傅啦!! 辛苦他了!!
前天晚上,媽媽又發夢了,今次夢到媽媽與阿姨一起替你洗白白呀,夢境中的你已經不再是小小的bb了,已經是一個比較大的bb了,我們一起站在家中浴缸替你洗白白,本來是媽媽抱著你,然後我叫阿姨接住你啦,怎知道媽媽放了手,阿姨卻接不住你呀,令你掉到浴缸中,渴了口水,把媽媽嚇得半死!! 第二天,跟爸爸說我的夢,你知道爸爸怎麼說嘛?! 爸爸說:你放心,這個夢境是不會成真啦,因為我們不會讓你的妹妹替BB沖涼,因為她比我還要"論盡"!! 哈哈!! 後來,我跟你的阿姨說起這件事,她也說:怎麼可能,我點會同你個bb沖涼!! 嘻嘻...果然,這應該只會是個夢!!
這幾天晚上,媽媽也睡得不好,起碼要爬起身去一次廁所,睡覺時又輾轉反側,好像怎麼樣的睡姿也不舒服,怎也不能好好的睡一覺好的! 尋晚4點多,起身去完廁所,爬番上床,嘗試再去睡的時候,心想怎麼bb你不在動呢? 不出兩秒,你便給我反應,出力地踢! 你真是乖啊,不要媽媽擔心! 可是,你下次可否踢得溫柔一點呢,好讓媽媽可以好好入睡啊! 因為無論媽媽是左側睡或是右側睡,你也使勁地在踢,讓媽媽不能入睡呢! 你今晚要做個更乖的孩子啊,好嘛?
曾經也有擔心過,bb你會不會做7星仔呀..7個月便要出世呀! 你千萬不要心急呀,要繼續待在媽媽的肚子裡呀,繼續乖乖的發育成長,到適當的時候,才出來跟大家見面啊!! 雖然媽媽也很期待著見到你,抱著你,但是我們也不要心急呀! 請你繼續享受在媽媽肚裡生活的日子呀,好嘛?
一星期裡面,最不喜歡就是星期一,因為放完兩日假,又要開始漫長的一個星期.....而星期三,便是一個星期裡面,最難頂的一天,因為..雖然過左兩日,但係,仲要捱多兩日呢!! 而呢幾日,都訓得唔係幾好,所以每朝依然好痛苦,好爭扎咁..俾我個人肉鬧鐘叫醒.
今日,好不容易捱到放工,本來真係好攰,想放工番屋企..好好休息,但係由於已經食左兩日街外野,所以今晚都係"的"起心肝,去左買餸煮飯! 因為出街食,又唔知食咩好,來來去去都係o個隻味,好悶啦! 雖然o係屋企自己煮,其實都係o個d...不過起碼好似好d啦!
今晚食咩餸: 1) 蝦仁炒蛋 2) 生菜 3) 鹽焗雞 4) 冬瓜瘦肉湯 (我的至愛!)
今日一路行街市的時候,一路聽住Eric的新碟,當聽到"永遠保護你"的時候,唔知點解心裡面有一種好幸福的感覺,全日的疲勞盡失! 因為我相信可以為老公買餸煮飯都係一件好幸福的事o黎o既! (好晒呀!!
bb,
由今朝11點幾開始,你就一直待在媽媽肚子的左邊, 不停在踢呀!! 只是偶爾休息一下, 我跟爸爸說:你今天一直在left side kick! 爸爸便說:為什麼你今天這麼活躍呢? 我都知道,你的媽媽真的很煩耶! 你不踢,我便說你不踢,你在踢,我又說你常常在踢我!! 那到底我應不應該踢呢?
嘻嘻....當你很安靜的時候,媽媽會很擔心,怕你不知在裡面發生什麼事了! 但是,當你,不停在踢我的時候,我又會覺得...又不是痛呢,就是不知道該怎樣形容啊! 大概是不太習慣吧,但是這種感覺是很特別的,別人是不會感受到呀!! 母子連心是很真確呀,難怪你婆婆常說: 你是我生的嘛,你諗咩,我梗係知道啦! 但願媽媽將來也能夠一樣的明白你,做你最喜歡的媽媽,跟你一起好好成長呀!!
bb,
你鍾唔鍾意呢兩件衫仔呢? 媽媽就好鍾意啦,因為我覺得好靚,好得意呀!! 係媽媽在美國的表妹Joanna(即是你的表姨)從美國托人帶回來的!! 真係好cute呀....一收到之後,便想像bb你著起時的模樣,一定超可愛呀!!!
bb你已經有28週了....時間過得真快呢...仲有大約十個星期,你就會來到呢個世界了!! 隨著媽媽的肚子愈來愈大,媽媽知道距離見到你的日子已經不遠矣...希望bb你繼續乖乖呀,在媽媽肚子裡的最後兩個多月,要繼續努力成長,到時出來做個健健康康的bb呀,好嘛?
仲有呀,你爸爸真係傻傻地架,繼上次連續兩晚半夜彈起身...佢尋晚又係咁啦...今次仲要走到出去,佢今朝話俾我知 (好彩佢今次冇整醒我!!),佢彈起身之後,走左出廳,然後唔知做咩,跟住開左廚房燈,先發覺自己唔知o係度做咩,飲左啖水,又走番入房訓覺!! 媽媽同佢講: 好驚呀,你係唔係夢遊呢? 下次會唔會走左出街架!! 
另外,上次o係bb展訂的兩箱野,今日都送來了....是用來洗奶樽的清潔液+ 濕紙巾呀!!
華航爆炸生死1分鐘 165人及時跳機 8港人1輕傷 08月 21日 星期二
【明報專訊】安全紀錄被列為全亞太區最差的華航又發生意外，機上165人在1分鐘內判定生死。台灣中華航空公司一架由台北飛往日本沖繩縣那霸市的波音737客機，昨早抵達那霸機場後突然起火，多次猛烈爆炸，幸好機師爭分奪秒，在1分鐘內疏散所有乘客和機員，機上157名乘客和8名機員及時在大爆炸前的一刻逃生，免卻葬身火海。這次空難的原因相信與引擎漏油有關，事件中有4人受輕傷，日本官員形容，今次意外沒有造成嚴重傷亡，可算不幸中之大幸，前所未見。
台北飛沖繩 港女孩嗆傷嚇暈
台灣大榮旅行社陳經理向本報表示，機上有8名香港人，他們從香港赴台，在台灣逗留一晚，昨早搭出事班機赴沖繩，當中包括一名8歲小女孩。該女孩因濃煙嗆傷送院但無大礙。本港入境處昨晚表示，暫未收到港人求助。
中央社引述家住香港的郭太太說，她帶兩女兒和台北的親友，一行8人到沖繩玩，沒想到遇險，確實很驚恐，她的8歲女兒當時就嚇暈了，需要送院，希望如此經歷不會再有下次。郭小妹妹說﹕「我當時跟着媽媽跳下逃生梯，以後的事就不知道了。」
引擎漏油 無關恐怖襲擊
肇事編號CI-120的波音737-800型號客機，於日本時間早上9時23分自台北起飛，個多小時後抵達那霸機場，着陸後滑行了約7分鐘，到達41號機坪時突然漏油爆炸。而沒有迹象顯示事件與恐怖襲擊有關。
華航稱發現飛機起火的，是一名當時在跑道南側的機場總務課職員，他看到該客機引擎着火，大喊「着火了」並立即通報，控制塔聯絡機師，下令疏散乘客。華航解釋是飛機引擎泄漏燃料，在駕駛人員企圖熄滅引擎時開始起火。一名機場地面維修員工指出，他發現航機的右側引擎漏油，至於最先爆炸的則是左側引擎。
遇險乘客憶述，飛機一停定，他們便在機員引導下，從4個逃生口跳下充氣逃生梯離開，就在飛機停定1分鐘後，引擎便發生爆炸。機場當局即時出動全部100輛消防車趕往現場，約1個小時後將火勢控制，但飛機已爆炸燒成3截，濃煙滾滾。
機上157名乘客分別為8名香港人、114名台灣人、19名日本人和16名其他國籍人士。日本警方說，其中一名57歲男性和一名7歲女孩脫險後感到身體不適送院，另一空中服務員和地勤人員亦受輕傷。日本國土交通省航空局總務課長田村明比古說，過去未見過類似昨天華航發生的事故，這次乘客和機組人員全部生還，是不幸中之大幸。
乘客指機師曾廣播需緊急降落
出事客機的機齡5年，7月才完成檢修，機師猶建國，48歲，飛行時數7874小時，進入華航6年。台灣民航局長張國政堅稱，根據機師報告，機師一直對引擎冒煙毫不知情，只是當飛機降落、抵達停機坪及關閉引擎後，日本地勤人員才告知出事。不過乘客戴先生卻質疑機師不知情的說法。他向台灣東森新聞指出，機師在飛機降落前15分鐘似乎已發現飛機不對勁，曾以廣播告知乘客可能要緊急降落。在快到那霸時，戴先生在飛機上已隱約聞到一點煙味，空服員也跟他說﹕「發生了一點狀况，希望旅客冷靜，我們也快到機場了，就這樣子吧。」
這就是救了百多條人命的逃生梯了....每年我們都要回公司進行安全考試,為的就是應付緊急情況! 今朝,聽林海峰的電台節目,佢話成架飛機,最想試就係呢條逃生梯,我地就一定唔會想試用law,因為用得呢條梯,一定唔會係好野啦! 點都唔會希望自己有機會要用得上呀!!
真係好恐怖,短短數分鐘,成架飛機便被濃煙掩蓋!!
好難想像,一架飛機...變成咁樣.... 所以我地公司成日都會強調 "Safety is our first priority"! 因為意外既野,真係冇人可以預計呢,所以,都係萬事小心d好!! 
說三道四,講是講非,是女人的專利嗎? 不知道,只是我相信很多女人也會這樣.最近,覺得身邊一個女人很煩,因為我開始發覺每次見到她,她總是說別人是非,說別人的不是....救命呀! 我不想聽,好不好? 請不要虐待我的耳朵,好不好? 我明白,心情煩躁,是大肚媽媽的特徵,可是別忘了我也是大肚媽媽啊! 經常聽你這樣說話,我也覺得很煩呢!!
雖然,我好明白,有人的地方就必然會有是非啊...但是...在你說別人不是之前,可否先想想,你自己又是怎麼樣呢? 曾經有想過,離開這份工作,回到地上,可是想了想...便會打消了這個念頭...因為我怕重回每天朝9晚5(6)的生活,我怕每天跟人打交道,我怕每天聽這說那沒完沒了的是非,我怕失去很多day off 的日子,我怕...所以,雖然這份工作是辛苦,是不定時,是常不在香港,但是,我仍然享受自由自在的工作時間,仍然享受"沒有"同事的日子,仍然享受我的day off,仍然享受間中逃離香港的生活....
不過,唔知bb出左世之後,我的想法會否改變呢?
上星期六,下午去見完我的"男朋友",之後就去左接我老公放工!! 本來,都唔知同佢去邊度好架...跟住佢話不如去荷里活廣場....因為今個星期有高達展,於是我地就o係地鐵會合,然後過去啦!!
我地先去食飽飽,由於係星期六的關係,我地都等左好耐,先等到有位呀...去左食上海野....吃飽飽就落左去行啦...今次呢個高達展,都算幾多野睇 (相比我地之前去過o個d)
呢個係我出世o個年的高達呀!! 同而家o個d比,真係簡單好多呢!!
日本人,做事真係好認真o既呢....
下面o個d係攝影比賽的作品...好攪笑.....
高達搭火車??
我一開始睇唔明,當我老公讀出右下角的英文字,我先明白呢....stupid me....
高達...去街市買餸...
最後,老公仲買左兩盒細細盒的高達呀! 然後,我地就坐巴士番屋企啦!!
bb, 我同爸爸講第時佢可以帶埋你一齊睇高達呢! 唔知將來你會唔會同爸爸一樣,喜歡上高達呢?
上星期五,同媽咪,老公食完lunch,仲未夠鐘睇醫生,就去行左一陣街....
由於之前老公借左部NDS俾朋友仔去旅行,而佢支mario 筆就係咁移民左去加拿大,所以我地有機會去玩扭蛋,抽過第二枝筆,之前o係好多地方都見地俾人扭晒! 今日,見到有部機,仲有幾隻扭蛋,於是..就放左10蚊落去,好好彩呀,一扭就扭到枝黑色炸彈人呀!! 跟住老公問我: 你扭唔扭呀? (因為我其實做緊枝mario花花筆,都ok架嘛!) 跟住我話:你俾我扭,我實扭架..嘻嘻!!
於是,佢就拎出另一個十蚊俾我...一扭...嘩哈哈...好野,係我至愛的白色呀!!! 好耐冇試過咁叻啦,因為通常好多時扭好多次都扭唔到自己想要o個款嘛!! 嘻嘻!!
就係咁....我地都有新筆筆用啦.....哈哈!!
今天是星期六,又是放假的日子啦,好開心!! 而且,今日仲見到孫先生, 就更加開心啦!!
今天,孫先生很忙碌呀,先到了黃大仙的一個商場,唱了兩首歌...
我的至愛~永遠保護你
自愛
E :哦....咦..你個肚大左好多喎!
我: 係呀,咁係應該大架嘛,唔大你先驚呀!
E:你影唔影相呀,過黎呀,然後便叫我走過去跟他影相 (因為我每次都係好怕醜咁企o係人堆後,唔敢走上前嘛!)
於是,我便走埋去,同佢影左呢張靚相啦! (special thanks to Cindy ar..
影完相,佢又問我
E: 幾時生呀?
我: 11月呀!
然後,朋友仔都陸續去跟他影相,傾計....
期間發生一段小插曲,正當大家正在影相之際,突然飛來一隻蜜蜂,大家尖叫聲四起+彈開,o係呢個時候,Eric 都有行開,哈哈...仲講左句: 會飛既野,我都好驚呀,哈哈..佢係我認識的人..第二個講呢句說話的男性呢! 男人大丈夫,竟然怕這些會飛的東西,哈哈....諗起佢當時的表情實在好攪笑!
過左一陣,佢真係要走了,又講o個句: 好啦...好啦...大家去食飯啦!
我望住佢講:又食飯,我話而家4點幾咋喎...食下午茶就差唔多,跟住佢就o係度傻笑...又對住我話:你要食多d呀!! 我話:係呀,我會食兩份架啦!! 哈哈!!
就係咁...他就在大家的bye bye聲中離開了...
之後,我地就去左附近食tea了....
