產前講座~初生嬰兒護理

9.8.2007

今朝去完健康院檢查,下午去左醫院聽產前講座~初生嬰兒護理,由於老公要返工,唔可以請咁多假,所以佢今個星期就冇陪我去聽! (因為佢上個星期已經請左日假陪我去聽~生產過程)

今日去到,依然都係咁多人...今日主要講左3樣野,就係 換片/ 餵奶/ 沖涼 !! 換片同餵奶,我都覺得ok,應該唔會太難學,但係睇完佢教同bb沖涼的video,就有d驚,好難想像如何幫一個這麼細小的bb沖涼呀? 好驚呢!! 又怕會整親佢,又怕會冷親佢,又怕佢濕淋淋,會好易滑走...wow....我實在已經想像了太多啦!!

不過,姑娘話,其實你做下做下就會熟手架啦,我都知,但真係會好驚law...

同埋,我今日發覺左,原來做人爸媽,真係要學呢,因為有d人問左一d好xx的問題,我發覺原來一d好簡單,你以為係common sense的野,真係會有人唔知架,唔怪得之係有需要聽講座呢!!

仲有,今日姑娘又有提過,入院時,要帶d咩,唔好帶d咩...番到屋企,我都有拎番d checklist 出黎睇,好好準備一番,雖然好似未有耐,又可能係我過份緊張卦,不過,我覺得..得閒執d,得閒又執d,都冇壞姐,唔使到時咁"呢hae"嘛!!